عمرو سعد: كنت منتظر تكريم من النقابة والنقيب لازم يعتذرلنا ومش بروج للبلطجة لأن الدراما مش واقع

تحدث الفنان عمرو سعد عن كواليس مسلسل الأجهر، كما كشف عن خوض نجله التمثيل للمرة الأولى من خلال مسلسله، والنصائح التي قدمها، وعلق على هجوم نقابة المهن الموسيقية على المسلسل.

تحيا مصر يرصد لكم تصريحات عمرو سعد 

عمرو سعد: ابني لما بديله نصيحة بيقولي تمثيلكوا اوفر

وقال عمو سعد خلال استضافته في برنامج الحكاية الذي يقدمه الإعلامي عمرو أديب:  ابنه رابي محدش ساعده في دوره في الأجهر ولو جيت اديله نصيحه يقولي انتو تمثيلكم اوفر اصلا.

كما تحدث ن الفنانة سارة سلامة وقال: مزة الشغلانة.. كانت مفاجأة المسلسل وعندها احترافية وهدوء في الشغل وكانت عودة قوية ليها في الاجهر.

عمرو سعد: كنت منتظر النقيب يكرمنا مش يطالبنا بالاعتذار

كما علق عمرو سعد على هجوم نقابة المهن الموسيقية على مشاهد مسلسل الأجهر وقال: كنت منتظر النقيب يكرمنا مش يطالبنا بالاعتذار وعليه هو بالاعتذار.

واستكمل عمرو سعد: مبيشغلنيش انتقادات الجمهور اللي بتبقى على السوشيال ميديا.. وحقيقة الاراء على الأرض.

وعن حقيقة ترويجه للبلطجة قال عمرو سعد: الدراما مهياش الواقع، ممكن تشوف فيلم عن العصابات عن القتلة فمش ممكن تقول عن أمريكا كده، لكن لو شوفتها في الاعلام ممكن تقول أن أمريكا كده، فاحنا ممكن نصدق الاعلام إنما لو ضرب نار حصل في الفيلم والمسلسل هي بتتشاف على بعضها مش يتم قص مشهد واعتباره الواقع.

عمرو سعد: اي قصة في القرءان اتقالت بخيرها وشرها

واستكمل: ربط الدراما بالواقع خطأ وقع به بعض السينمائين، مفيش حاجة اسمها واقع دي كلمة خطيرة، ودي كلمة نصبة اتباعت لنا في وقت معين، مفيش اتنين بيكلموا في واقع وتنزل عليهم مزيكا، الفيلم هو حلم بنسلي بيه الناس ونديلهم فكرة، والقصص اللي أتقالت في القرآن اتقالت بالخير والشر والشر فيها كان واضح، ودا أتذكر في كل الأديان، فالحدوتة بتتحكي بخيرها وشرها.

وخلال اللقاء تحدث عمرو سعد عن الزعيم عادل إمام والمخرج وحيد حامد وقال: الزعيم عادل إمام والفنان الراحل إسماعيل ياسين يستاهلوا قلادة النيل لما قدموه من أعمال فنية أسعدت الملايين".

وأضاف: عادل إمام وإسماعيل ياسين لا يقلوا قيمة ولا أهمية عن زويل ونجيب محفوظ، لأنهم متعوا الناس وخرجوهم من الاكتئاب وقدموا أعمال سلّتهم وعلمتهم، ومن غيرهم نطفي.

وتابع: "أنا مدين للأستاذ وحيد حامد بالفضل، ومرة باشتكي له وأفضفض وبابتسامته المعهودة قال لي: عارف سباقات الرالي؟ قلت له: مليش فيها، قال لي: السواق الشاطر يكسر المرايات، يعني مبيبصش وراه، وأنا كسرتها من زمان ومببصش على اللي بيهاجموا أو بينتقدوا، وكل واحد له هدفه وشخصيته ومحدش يجور على حد".