شهيرة عن شيرين عبد الوهاب: بلاش نفسوا عليها ونخسرها.. هي محتاجة لجمهورها متحبطوهاش

حرصت الفنانة المعتزلة شهيرة، زوجة الفنان محمود ياسين على توجيه رسالة قاسية لمنتقدي سقوط شيرين عبد الوهاب على المسرح في حفلها بـ دبي يوم الجمعة المنقضي، مشيرة إلى أن شيرين عبد الوهاب من المطربات المتألقات في مصر والوطن العربي.

تحيا مصر يرصد في ذلك تصريحات شهيرة عن شيرين عبد الوهاب

شهيرة: شيرين بتحاول وتجاهد إنها تخرج من أزمتها

وكتبت شهيرة عبر حسابها الرسمي بموقع التواصل الإجتماعي “فيسبوك”: “شوفوا بقي انا عمري ماتكلمت في اي وقت عن أزمة شيرين  لأنها حاجة شخصية وندعيلها وخلاص ربنا يخرجها منها علي خير لكن أضطريت اتحشر لأن اللي بيحصل ده كتير  كلنا عارفين ازمتها والست بتحاول وتجاهد  ان تخرج منها بأنها بتسترد نفسها وفنها وتاريخها الجميل اللي طالما أسعدتنا بيه”.

شهيرة: شيرين من المطربات السوبر اللي بيتعدوا على الصوابع بلاش نخسرها

وتابعت حديثها، قائلة: “بلاش نقسو اعليها ولا نكسرها لمجرد أنها وقعت علي المسرح زيها زي كتير ونجيب القديم والجديد  ايه يعني ؟ بنتلكك  ولا أيه شيرين في النهاية إنسانة تخطأ وتصيب  وشرين زي مانتوا عارفين من المطربات السوبر اللي يتعدوا علي أصابع اليد الواحدة ولا نريد أن نخسرها هي تحتاج لجمهورها اللي بيحبها لا تحبوطها  هي تريد المسانده وبتقولكم انا رجعت أهو  لحضنكم فلنمد لها يد الحب والعطاء فقد أعطتنا سنين طوال أمتعتنا فيها بفنها فلا نبخل عليها بيد الأحتواء والمساندة”.

نجوم الفن يدعمون شيرين عبد الوهاب 

جدير بالذكر، أن شهيرة ليست الأولى في دعم الفنانة شيرين عبد الوهاب بعد سقوطها من المسرح في حفل دبي، حيث كتبت لها نادية مصطفى: كوكب الشرق وقعت على المسرح، إليسا وقعت على المسرح ، هيفاء وهبى وقعت فى الكواليس، وعارضات أزياء ياما وقعوا وهما ماشيين بمنتهى  الألاطة وقاموا بمنتهى الثبات، ومطربين أجانب كتير وقعوا على المسرح، افتحوا اليوتيوب هتشوفوا ڤيديوهات من هذا النوع ومصنفه على إنها ڤيديوهات بتضحك، وربنا يكفينا جميعاً شر الوقعة، وعادى ياجماعة  حوادث عادية جداً  ليه بنكبر المواضيع كلنا بنقع واللى بيقع قدامنا بنسمى عليه ونقوله حمدا لله على السلامة مش نقوله أحسن.. إرحم تُرْحم.. إرحموا من فى الأرض يرحمكم من فى السماء.