أحمد موسى: سد النهضة لم يحقق أي منافع للشعب الإثيوبي.. فيديو

أكد الإعلامي أحمد موسى، أن إثيوبيا تستغل سد النهضة سياسيا معقبا :"سد النهضة لم يحقق أي منافع للشعب الإثيوبي ولم يولد أي كهرباء حتى الآن".

تحيا مصر

وأضاف موسى، خلال حلقة اليوم من برنامجه "على مسئوليتي" المذاع على فضائية "صدى البلد" ، "إثيوبيا تقوم بإجراءات مخالفة للقانون دون اتفاق مع مصر والسودان واللي هتعملوا الأيام اللي جاية دون اتفاق مع القاهرة والخرطوم".

سد النهضة

وتابع: " كرم ربك فوق الجميع وتوشكى فيها مياه لم تحدث منذ 20 أو 30 سنة وده بعد ما فتحت إثيوبيا الحواجز علشان تفتح التوربينات ورغم كده ولا حد شاف كهربا ولا حد شاف حاجة، وفي إثيوبيا مفيش كهربا ولا محطات توزيع وعمل الموضوع موضوع سياسي واستخدام السد استخدام سياسي لن يفيده بحاجة لا النهاردة ولا بكرة ولا بعده".

وواصل حديثه :"في إثيوبيا لا يوجد أي شبكة توزيع ولا بيت وصله كهربا عمله علشان يضغط على مصر، ورئيس وزراء إثيوبيا هو اللي بيخرب في الدول التي حواليه وأنا اعني هذا الكلام بيخرب في الدول اللي حواليه فعايز يصدر مشكلة السد لأن عنده أزمات داخلية لن تنتهي كان المفروض يخلص ومش عارف يعمل أي حاجة بس مصر لها حقوق ومصر تستخدم أدواتها لتحافظ على حقوقنا".

وفي سياق أخر، قدم الإعلامي أحمد موسى، التحية للفريق كامل الوزير، وزير النقل، للسماح لفريق عمل البرنامج بالتسجيل في معبر أرقين مع العائدين من السودان.

وقال موسى، خلال حلقة اليوم من برنامجه "على مسئوليتي" المذاع على فضائية "صدى البلد"، اليوم السبت، :" تقولى ذهب مين، السودانيين باعوا الذهب اللي عندهم علشان يعرفوا يوصلوا مصر ومسألوش بكام الذهب، إحنا بنتكلم في فراغ وهوا، وناس قاعدة في تكييف، واللى جاي من السودان، لا عارف ينام إزاي، ولا بيفطر إزاي، ولا سأل ثمن كيلو الأرز بكام".

كامل الوزير 

وتابع :"الناس كانت عايزة حاجة واحدة بس هي الوصول إلى مصر، مكناش التفكير في أي شيء تاني غير العودة إلى مصر، شوفوا قعدوا كام يوم في الطريق لحد ما يرجعوا مصر".

وواصل حديثه :"الرئيس السيسي يتابع على مدار الساعة عمليات إجلاء المصريين من السودان، معقبا:" تم إجلاء أكثر من 6 آلاف من السودان حتى هذه اللحظة".

وعلق الإعلامي أحمد موسى، على تطورات الأوضاع في السودان بسبب الاشتباكات بين الجيش السوداني وميليشيا الدعم السريع في السودان.