متجوزاه في جيبه 50 قرش.. أميمة: طلقني وأنا معرفش وعايش مع واحدة في الحرام

رافع عليا أكتر من 100 قضية وكان بيقولي أنا بحب الستات عشان بعرف أضحك عليهم.. بهذه الكلمات بدأت المهندسة أميمة في سرد مأساتها مع طليقها الذي تزوجته عام 2006 وقام بتطليقها عام 2015 غيابيا بدون إخطارها أو علمها بذلك.

سيدة تستغيث: طلقني غيابي بعد 9 سنين جواز

وسردت المهندسة أميمة لـ تحيا مصر، مأساتها قائلة «أنا مهندسة زراعية وأتجوزت من شخص جواز عادي، عشان خاطر كلام الناس وعشان أخويا الله يرحمه كان عايز يفرح بيا وهو أخويا الوحيد على 7 بنات».

مهندسة لـ تحيا مصر: عايش مع واحدة تانية في الحرام

وتابعت المهندسة أميمة في حديثها «فضلت عايشة معاه سنين وكنت بعمله أكل كل يوم ويصحيني الساعة 3 الفجر عشان أطبخله الأكل ويكون لسه واكل الساعة 10 بالليل، وعمري ما قصرت معاه في حاجة، وكان بيمشي في وسط زملائه يقول أنا ربنا بعتلي ملاك هدية».

حيثيات تأييد إعدام قاتل نيرة أشرف: هددها وقتلها بعد تفكير وتدبير

اتقدم لبنتها ورفضته.. شاب يحرق باب شقة سيدة في القاهرة

طليقي رافع عليا 100 قضية

وأضافت المهندسة أميمة «عرفت من زملائه أنه عايش مع سيدة أخرى بدون زواج، ويقضي معها الحرام عشان يسرق فلوسها ويتولى عليها، وفجأة عرفت أنه طلقني غيابي في 2015، ورفع عليا 110 قضية منها إيصالات مزورة وقضايا مدني وقضايا جنح تزوير وخيانة أمانة، وقالي أنا هرفع عليكي قضايا لحد ما تموتي».

سيدة: أتجوزته وهو في جيبه 50 قرش

وأشارت المهندسة أميمة إلى أن طليقها قال لها «أنا هاخد منك شقتك وهعملك قضايا من أسوان لإسكندرية كعب داير يا بياعة المخلل، وهو طلع طمعان فيا مع الأسف وكان عايزني أبيع ذهبي عشان نسافر مرسى مطروح وشرم الشيخ وغيرها».

وأسطردت أميمة «أنا أتجوزته بس عشان كلام الناس لما قالوا لأخويا إزاي تسيبوا أختكم كده من غير جواز، لكن يوم الفرح كان في جيبه 50 قرش، واللي دفع الكوافير أخواتي ده حتى بتاع الكهرباء جه وملقاش فلوس يدفعهاله، وفي الأخر إتهمني بإني متجوزة عرفي من شخص كدة من أسوان وأنا لا عمري شوفته ولا أعرفه».

وأختتمت المهندسة أميمة في حديثها «أنا رفعت شكوى في مكتب النائب العام وتم الرد بسرعة إتخاذ الإجراءات القانونية، وأنا بطالب من النائب العام سرعة إنقاذي من طليقي واللي بيعمله فيا».