خرجت من المستشفى وعندها طاقة ملهاش آخر.. مدير أعمال شيرين عبد الوهاب يطمئن جمهورها عليها

طمئن إيهاب صالح مدير أعمال النجمة شيرين عبد الوهاب، جمهورها  على حالتها الصحية بعدما سقطت على مسرح حفلها بدبي أمس الجمعة.

تحيا مصر يرصد تطورات حالة شيرين عبد الوهاب الصحية.

مدير أعمال شيرين عبد الوهاب يكشف عن حالتها الصحية

وغرد إيهاب صالح مدير أعمال شيرين عبد الوهاب عبر حسابه الرسمي بموقع التدوينات القصيرة تويتر: جمهور شيرين أنا دايمًا عارف أنكم سند وضهر ليها.. بس عمري ما كنت أتخيل أنكم بالحجم والعظمة دي بجد ما شاء الله.. عايز أطمنكم إن شيرين بخير.. وخرجت من المستشفى بعد شوية فحوصات وإشاعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده.

مدير أعمال شيرين عبد الوهاب يوجه الشكر لدولة الإمارات العربية

وتابع: شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق.. وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة.

وأضاف: أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله.. ومش هنهدى بأي شكل عشان شيرين عندها طاقة وحماس ملهمش آخر.. ووعد مني إن شاء الله نعوضكم.

حفلات شيرين عبد الوهاب المقبلة

واختتم مدير أعمال شيرين عبد الوهاب حديثه قائلًا: آخر وأهم حاجة هي للناس اللي بتجرح بالكلام وحديث عن النبي محمد صلى الله عليه وسلم: “لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه”.

وكانت سقطت الفنانة شيرين عبد الوهاب على المسرح أثناء غنائها في حفل دبي.