طارق النهري: محمد سامي كان بيشتغل والمحاليل في إيده وخوفت من مشهد مصالحة دلال لهذا السبب

تحدث الفنان طارق النهري عن كواليس مسلسل جعفر العمدة، كما كشف عن سعادته بالتعاون مع المخرج محمد سامي والفنان محمد رمضان.

تحيا مصر يرصد لكم تصريحات طارق النهري 

وقال الفنان طارق النهري  خلال لقائه مع الإعلامية شافكي المنيري في برنامج “التاسعة” المذاع عبر شاشة “الأولى المصرية”: مشهد النهاية كان المفروض أبقى انفعالي لكن خففنا الحدة في الآخر عشان نقفل المسلسل والناس تبقى مرتاحة نفسيا، والمفروض كان يبقى أكثر جنون”.

طارق النهري: كنت خايف من مشهد مصالحة دلال

وأضاف: “مشهد مصالحة دلال كان أكتر مشهد خايف منه جدا وبعدين استعديت ما يحدث بيني وبين بنتي، وإحنا قبلها بشوية منا متخانقين فعلا ولسه متصالحين، فاسترجعت المرحلة دي وقولت لإيمان العاصي أنا ممكن أعيط قالت لي أنا دموعي جاهزة، وفعلا جات لنا كريزة عياط واتشحنا جامد أوي”.

كما كشف الفنان طارق النهري، إن كواليس مسلسل “جعفر العمدة” كانت تتميز بحالة من الحب، موضحا أن الفنان محمد رمضان يتفاعل ويتعامل مع جميع طاقم العمل بحب شديد.

طارق النهري: محمد رمضان إنسان بمعنى الكلمة وراقي

وقال: “محمد رمضان إنسان بمعنى الكلمة وراقي جدا في تعامله كفنان ومخلص للعمل وبيجتهد أنه يوصل لمراحل النجاح من وهو في اللوكيشن”.

وتابع: “محمد سامي عمل جو من الحب على المكان بخفة دمه وهزاره وساعة الجد بيبقى فظيع، في لحظات كان بيشتغل والمحاليل متعلقة في إيده وبيبقى بيموت، وبرضو مصر يشتغل وبيبذل المجهود مضاعف عشان يطلع العمل بهذه النتيجة”.

أوضح: “الناس بتناديني في الشارع حمادة فتح الله، واللي يقولي مش تربي ولادك، واللي يقولي عايز شوية دهب من اللي كانوا عندك، الشعب المصري بجماله وحبه للفن والفنانين، أنا لمست النجاح من الشارع مش الشاشة، ساعات كنت بدخل قهاوي أتفرج كأن ماتش كورة”.

مسلسل جعفر العمدة

مسلسل”جعفر العمدة” بطولة محمد رمضان، زينة، هالة صدقى، إيمان العاصى، مي كساب، منة فضالى، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبدالله، إحسان الترك، ومن تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب “سعدى – جوهر” برعاية المتحدة للخدمات الإعلامية.