رضوى الشربيني ترد على نسب تصريحات ياسمين عز لها: كلام العبيد ده مش بتاعي

علقت الإعلامية رضوى الشربيني على نسب واحد من أشهر تصريحات مقدمة البرامج ياسمين عز لها، وذلك في برنامجها الشهير كلام الناس.

تحيا مصر يرصد لكم تعليق رضوى الشربيني على نسب تصريحات ياسمين عز لها

وأعادت رضوى الشربيني نشر صورة لأحد الحسابات على موقع التدوينات القصيرة تويتر إدعى أنها قالت: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها"، وهذا أحد تصريحات ياسمين عز المثيرة للجدل الشهيرة، وكتبت: "وانا اقول الكلام ده ليه…انا ست عندها كرامه…كلام العبيد ده مش بتاعي".

تصريحات رضوى الشربيني

وسبق وتحدثت الإعلامية رضوى الشربيني عن تجربة الطلاق وسبب انفصالها عن زيجتها السابقة، مشيرة إلى أنه لم يتحمل هذه العيشة وتجربة الطلاق لم توجعها على الإطلاق، وقالت: مش عايزة أتكلم في الموضوع لان الحكاية لو لسة بتحكي فيها بتبقى لسة جواكي وانا الحكاية كلها خلصت بالنسبالي”.

رضوى الشربيني:  اللي بيوصلك للطلاق بيوجع

وتابعت: "الوجع كان كبير وقسيمة الطلاق مش وجع لكن اللي بيوصلك للطلاق هو اللي بيبقى وجع، وأنا عمري ما هتكلم على أبو بناتي لأن فيه بناتي بيحبوه جدا وبيحترمه وهيفضلوا شايلين اسمه، ليه اطلع أقول على السبب، لكن الأكيد إني بعده اكتشفت نفسي.

رضوى الشربيني: مش ندمانة على الزيجة دي ولو اتعاد بيا الزمن هتجوزه تاني

كما كشفت رضوى الشربيني أنها لا تشعر بالندم بعد طلاقها وقالت: الزيجة دي جبت منها بنت ومش ندمانة عليها خالص، ولو هدفع تمن وجع قصاد بناتي هختار بناتي ولو اتعاد بيا الزمن هتجوزه تاني عادي.

وتحدث رضوى الشربيني أيضا، عن تداول فيديوهاتها التي دائما ما تكون مناصرة للسيدات، وقالت رضوى الشربيني: “معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي”.