50 مليون جنيه.. سوهاجي يستغيث من بطش شقيقه: سرقني وطردني وعاملي سحر

قصة مأساوية تعرض لها رجل خمسيني من محافظة سوهاج، حيث أتهم شقيقه بالإستيلاء على أمواله وأملاكه وطرده من المنزل.

قرار جديد من المحكمة بشأن قاتل نيرة أشرف

عيال شياطين.. طفلين إبتدائي يقتلان زميلهما خنقا لسرقة العيدية منه في البحيرة

مأساة خمسيني طرده أخوه وإستولى على أمواله

وقال أحمد أبو القاسم - 57 سنة من محافظة سوهاج، أنه تعرض لحالة ظلم كبيرة من أشقائه، حتى أصبح مشردا في الشارع هو وزوجته وأطفاله، على خلفية قيام شقيقه الأصغر بالاستيلاء على أمواله وطرده من المنزل على حد قوله.

وتابع أحمد أبو القاسم لـ تحيا مصر، أنه سافر خارج البلاد إلى إحدى الدول الخليجية ومكث فيها قرابة 25 سنة، وكان في هذه الأحيان يرسل إليهم أموالا ما بين 30 ألف جنيه و50 ألف جنيه، إلا أنه عاد إلى البلاد في عام 2011 وبدأت المأساة في عام 2017 حين إستولى شقيقه على أمواله وطرده من المنزل.

قصة أحمد أبو القاسم في سوهاج: أنا بقيت مشرد

وسرد أحمد أبو القاسم تفاصيل قصته مع شقيقه، قائلا «أنا كنت مسافر بره مصر 25 سنة، وكنت ببعت فلوس لأبويا في الفاكس، وكان أبويا في الوقت ده عليه فلوس لناس، وسددتها كلها ورجعت مصر نهائي في سنة 2011، وبعدين عملت سوبر ماركت وتوسعت في المحل وأصبح أكبر سوبر ماركت في القرية زي المحلات بره في الخليج».

وإستكمل أحمد أبو القاسم من محافظة سوهاج في شكواه ضد شقيقه قائلا «أنا عندي أملاك وبيوت بس مكنتش بخلف وربنا مرزقنيش بطفل، وفي 2017 ربنا رزقني بطفل ومن ساعتها وبدأت المشاكل، أول ما أهلي عرفوا إن زوجتي حامل قالولي متقولي لأخوك حاجة زي دي، لأنه مش بيخلف يزعل، قولتلهم ربنا يرزقه».

سوهاجي: أخويا بيعملي سحر وطردني وسرق فلوسي

بدأت أشوف الويل والخراب والسحر من أخويا أشكال وألوان... وأضاف أحمد أبو القاسم في حديثه قائلا «بدأت أشوف مياه أمام باب الشقة وعرفت إن أخويا بيعمل سحر ليا ولأولادي وبيرميه قدام باب الشقة، وجبت شهود على الكلام ده ووريتهم اللي كان بيعمله أخويا، وبعدين أخد كل فلوسي بالملايين والأملاك وطردني».

واستطرد الرجل السوهاجي قائلا: أنا رجعت محافظة سوهاج شوفت أشكال العذاب، أخويا طردني من البيت ولما كنت أرجع كان يشتمني أنا وزوجتي ويهددني، ده يوم ما رجعت بعد ولادة طفلي الأول بشهر ربطني بالسلاسل وأخد مفتاح البيت وطردني أنا وزوجتي».