حنان مطاوع: قبل ما أخلف كنت لازم أخد العيدية.. ودلوقتي بفرقع بومب مع بنتي

كشفت الفنانة حنان مطاوع عن طقوسها خلال عيد الفطر المبارك، وذلك خلال لقائها اليوم ببرنامج مساء دي إم سي مع الإعلامي رامي رضوان.

تحيا مصر يرصد تفاصيل تصريحات حنان مطاوع في مساء دي إم سي

وقالت حنان مطاوع: بنتي بقيت كل حاجة دلوقتي، لبس العيد بقى ليها والعيدية، أنا قبل ما أخلف أماليا كنت لازم أخد العيدية من مامتي وخالتي الله يرحمها ومن جوزي، ولو عشرين جنيه أنا راضية، وبحس أني صغيرة وبكدب على نفسي ومصدقاها، بس دلوقتي خلاص بقيت أنا اللي بدي العيدية، وبجيب ليها بمب وبنفرقع أنا وهي.

شخصية حنان مطاوع في وعود سخية

وفي الحلقة ذاتها، كشفت حنان مطاوع عن تفاصيل شخصيتها في مسلسل وعود سخية، وقالت: هي متعبة ومهلكة بس ممتعة جدا لأنها ملهاش أي علاقة بيا، بس كان فيها تحديات وتغيرات كتير وصراعات، واللي أنا حبيته فيها أنها عندها صراعات بين الخير والشر حية أوي جواها، وهي شخصية شرسة، ولما اتظلمت ظلمت.

ومسلسل وعود سخية يضم عدد كبير من نجوم الفن ومنهم: محمد رضوان، سلوى خطاب، نور محمود، أحمد كشك، أحمد والي، وتيسير عبدالعزيز وجالا هشام وإسلام حافظ، والعمل من تأليف أحمد صبحي وإخراج أحمد حسن.

أبرز تصريحات حنان مطاوع في أنا والقناع

وفي وقت سابق، حلت الفنانة حنان مطاوع ضيفة على برنامج “أنا والقناع”، الذي تقدمه الإعلامية منى عبد الوهاب عبر شاشة قناة سي بي سي وقناة الحياة، والتي تحدثت خلاله عن مصطلح السينما النظيفة، وشعورها من أسألة تأخرها في الزواج، ومن أبرز تصريحاتها في الحلقة:

• الفن مرادف للجمال وللنور، بس كل واحد فينا عنده ضوابط خاصة بيه سواء دينية وأخلاقية أو اجتماعية، ورؤية منى غير رؤية حنان، وإحنا مش محتاجين سينما نظيفة لأن الفن نور.
• بحب منى زكي على المستوى الفني والشخصي وهي مبدعة وظهورها في أصحاب ولا أعز دا قرارها وقناعتها مقدرش أحكم عليها.
• مقبلش أطلع في دور بمايوه لأني مش بلبسه أصلا في الحقيقة.
• أنا خجولة جدا على عكس والدتي سهير المرشدي، وأنا تركيبة مش شبههم الاتنين، أنا تركيبة فنانة، مبحبش الأضواء وبخاف منها لأنها بتجنن البني أدم وبتنتهك الخصوصية.