والدة عروس كفر الشيخ: الدكتور قالي بنتك مارست العلاقة أكتر من مرة

قالت والدة إيمان عروس كفر الشيخ.. أنها تطالب بحق إبنتها من الفضيحة التي تسبب فيها أهل زوجها، وحديثهم الكاذب عنها بأنها ليست بكرا.

مأساة طفل أسيوط.. أبوه أتحبس وأمه أتجوزت هرب من بيت عمه لـ قنا

رعب في مصرف البحيرة.. جثتين لـ رجل وسيدة بهما طلقات نارية

والدة عروس كفر الشيخ: قالولي تعالي يوم الصباحية

وسردت والدة عروس كفر الشيخ لـ تحيا مصر، ما حدث مع ابنتها قائلة «بنتي إتجوزت وراحت بيت جوزها، وبعدين لقيت يوم الصباحية أهل جوزها أتصلوا قالوا تعالوا عايزينكم في مشكلة، ولما روحنا لقيناهم بيقولوا محمد عمل معاها العلاقة أكتر من مرة ومنفعش».

والدة العروسة: الدكتور قالي بنتك مفيهاش غشاء

وتابعت والدة عروس كفر الشيخ قائلة «أخدنا البنت وروحنا عند دكتور تبعهم والدكتور طلعنا بره وكشف عليها معرفش إزاي، وبعدين دخلنا وقالي إعترفي وأنا هخبي على أهل جوز بنتك، بنتك مفيهاش غشاء بكارة ومارست العلاقة مع حد تاني كتير».

وأضافت والدة عروس دسوق بمحافظة كفر الشيخ: قالي الواد اللي كان خطيبها ده شكله اعتدى عليها، والدكتور ده كان من طرف أخو جوزها وأتصل بيه قاله مرات أخويا جاية تكشف عندك خلي بالك كانت مخطوبة لواحد تاني من البلد لو في حاجة قولها على طول.

والدة العروس: بنت أكلت العشا في بيت حماتها

وأستكملت والدة عروس كفر الشيخ «أنا بنتي يوم الدخلة نزلوها تاكل في بيت حماتها، عشا العروسة أكلته في بيت حماتها، وقعدت تحت لحد الساعة 4 الفجر عقبال لما أمه رضيت عنهم وقالت أطلعوا يلا، وجوزها نفسه كان مخنوق من تصرفات أهله».

وقالت جدة عروس كفر الشيخ: أنا ربيت البنت وأخواتها على الغالي، على أخر الزمن يسبونا في شرفها ويفضحونا، إحنا ماشيين باصين في الأرض عايزين حق إيمان حسبي الله ونعم الوكيل فيهم، فضحوا البنت وقلوا فرحتها وأخدوا حاجتها.

وقالت إيمان عروس كفر الشيخ لـ تحيا مصر، أنا إتججوزت عادي زي أي بنت، ويوم الدخلة جوزي حاول معايا أكثر من مرة، ولقيته مقلق وقولتله في أيه لو مقلق نروح نكشف، بس بشرط وديني لدكتورة مش دكتور عشان هتكسف أتكشف على دكتور.

وتابعت إيمان عروس كفر الشيخ «يوم الصباحية لقيت أمي وأبويا وصلوا ولقيت حماتي بتقولهم عايزينكم في حاجة مهمة، وقالتلها يا أم إيمان عايزين نطمن محمد حاول كذا مرة مع إيمان ومحصلش حاجة، وسألوني قولتلهم إطمنوا أنا قولت لمحمد نروح لدكتورة بس مش دكتور عشان هتكسف».

وأضافت عروس دسوق في حديثها «تالت يوم بعد الجواز روحت معاهم عشان أكشف، ولقيتهم موديني عند دكتور مش دكتورة قولتله يامحمد مش قولتلك هتكسف وبعدين قولت طالما أنا واثقة من نفسي خلاص، ودخلت أكشف لقيت الدكتور لبس جوانتي وبص عليا بس من غير أي حاجة».

وإستكملت عروسة دسوق قائلة «بعدها خرج أمي وحماتي بره الأوضة ولقيته بيقولي إنتي كنتي مخطوبة قبل كدة قولتله وده إيه علاقته، قالي ردي بس قولتله اه لمدة سنة قالي إنتي مش عذراء وفي حد إعتدى عليكي ومارس معاكي بدل المرة الواحدة 20 مرة، صارحيني وأنا لسه متستر على بنت أول إمبارح وهتستر عليكي قولتله أصارحك بأيه أصارحك بحاجة معملتهاش، قالي هضحك قدام أهل جوزك وأهلك وخرجت أنا وهو دخل ماما وبابا يقولهم».