"قالي هخليك تدفع غصب عنك".. مواطن: موظف بمطار القاهرة طلب مني دفع 25 ألف جنيه رسوم لكارتيلات قماش و لعب أطفال

هاجم رجل أعمال يدعي كمال فتحي محمد، تعنت أحد العاملين بجمرك مطار القاهرة له، أثناء عودته قادمًا من الصين حاملًا 4 شنط كبيرة وشنطة خامسة صغيرة فوق الطيارة، مشيرًا إلى أن المطار طلب منه دفع رسوم عليها تقدر بقيمة 25 ألف جنيه.

وقال "فتحي"، في منشور لاقى تفاعلًا واسعًا على موقع التواصل الاجتماعي فيس بوك، إنه فور وصوله جمرك مطار القاهرة صالة الوصول المطار الجديد، كان يحمل 4 شنط وشنطة صغيرة فوق الطائرة عبارة عن كارتلات قماش زي  و ٦ بكرات خيط تريكو عينات مواصفات مختلفه على سبيل العينات "مش رايح الصين اجيب ٦ بكرات للبيع" ووالكارتلات الخاصة بهم، مع العلم جمرك الكيلو رسمي من أي ميناء لا يتعدي ٣٥ جنيه للكيلو.

وتابع: الشنط تضم أيضًا ملابسي الشخصيه، وملابس العيد لأولادي وست أحذية أطفال، أدوات الصيد  كيس صغير في عده صيد سمك ، وعدد ٢ لعبه اطفال منهم لعبه باظل لا تتعدى كف الايد كاتبهم في المحضر معاه لعب أطفال.

مواطن يصرخ: مطار القاهرة طالبني بدفع 25 ألف جنيه رسوم لكارتيلات قماش و لعب أطفال

وأشار إلى أن الموظف طلب منه دفع  ٢٥،٠٠٠ جنيه رسوم، وبرر ذلك بأنه يحمل كارتلات كتير، متابعًا: قولتله وفيها ايه انا صاحب مصنع ومكتوب في الباسبور ومعايا البطاقه والسجل ومحتاج العينات دي، فقالي عايز فواتيرها، قولتله انت فاهم بتقول ايه دي كارتلات وعينات قماش بناخدها ببلاش وبيتحايلوا علينا ناخدها ببلاش ازاي اقولهم هاتوا فواتير".

وأردف: "قولتله معايا ١٠.٠٠٠ جنيه بحاول انزل معاه قالي لا احنا مش بنفاصل.. قولتله صل على النبي قالي مابصليش قلتله براحه شويه وماتزعقش قالي طيب هحجزهالك وخلى ورديه الساعه تسعه تطلعهالك، قولتله اعمل اللي انت عايزه لكن ماتزعقش علشان انا كمان بعرف ازعق بس انا صايم قالي انا بقى مش صايم واسمي (جورج )وهتشوف هعمل ايه علشان تدفع وأنت ساكت".

وأردف: "قولتله شوف هتعمل ايه لاقيته عملهالي وديعه لحين السفر يعني لازم أسافر تاني بيهم بره مصر وأرجع بيهم تاني، وأدفع تذكره رايح جاي ووزن تاني"، واستطرد: "ولما قلتله اكتب كل حاجه عدد مارضاش زي عدد ٢ لعبه اطفال ماتعممش قالي انا عارف انا بعمل ايه استنى هناك، قولتله هدفع قالي لا مش هرجعهالك".

وأضاف: "قولتله طيب عايز هدومي المستعملة ولعب العيال مستنينها بره قالي مش هتاخد حاجه.. وانا في غرفة الوديعة الموظف هناك بيقولي روح استسمح جورج وقوله معلش قلتله انت فاهم غلط انا مش هعمل كده لوحتى حرقهم ادامي وكمان انا مش جايب حاجه تستاهل كل ده".