البلوجر سارة محمد: بيتم استغلالي ماديًا.. وفيه ناس بتحاول توديني مستشفى الأمراض العقلية

نشر البلوجر عمر حسين مقطع فيديو لـ البلوجر سارة محمد، تحذر فيه المتابعين من استغلال اسمها في جمع التبرعات لعلاجها، مؤكدة على أنها بكامل قواها العقلية.

تحيا مصر يرصد تفاصيل تحذير البلوجر سارة محمد

تحذير البلوجر سارة محمد

وقالت سارة في الفيديو: مش عايزة أي حد يحاول يبعت فلوس لأي رقم لأن أن بيتم استغلالي ماديًا، أنا مش بيوصلي جنيه من حد، أنا مش بطلب تبرعات من حد.

وتابعت: أنا لما احتاج حاجة ويبقى ليا عملية هتنجح فوقتها بس هطلع وأنا هقولكم أنا محتاجة كذا، لكن أنا مش محتاجة أي حاجة ومفيش حاجة بتوصلي، أنا طلعت أقول كدا عشان مينفعش أعرف أن فيه ناس بتستغلكوا ماديا واظلمكم معايا.

واختتمت حديثها بمفاجأة صادمة حول صحتها العقلية والنفسية، فقالت: فيه ناس بتحاول توديني مستشفى الأمراض العقلية، أنا بكامل قوايا العقلية.

تعرض سارة محمد للتهديد

وسبق وأن كشفت البلوجر سارة محمد عن تعرضها للتهديد من خطيبها، وذلك من خلال مقطع فيديو عبر حسابها الشخصي على موقع التواصل الاجتماعي فيسبوك.

وقالت سارة: كلكم عارفين اللي جرالي، والخرطوش اللي اخدته في دماغي، والـ 70 غرزة وعيني اللي اتصفت، والأمل الوحيد اللي عندي أن نفسيتي تتظبط وأني أكون كويسة.

وتابعت: أنا فديت حد بعيني سواء خطيبي حد غريب، أي حد أنا فديت حد بعيني، أنا مستاهلش أن الشخص دا يبقى مصدر لتدمير نفسيتي.

رسالة عمرو سنايبر لـ سارة محمد

وعلى صعيد آخر، وجه البلوجر عمرو سنايبر رسالة مؤثرة لـ صديقته البلوجر سارة محمد، الذي تصدرت حديث مواقع التواصل الإجتماعي المختلفة بعد إعلان فقد بصرها بشكل نهائي.

وكتب عمرو سنايبر عبر حسابه الرسمي بموقع التواصل الإجتماعي “فيسبوك”: عارف إن الابتلاء دا تقيل عليكي بس وعد مني ليكي قدام ربنا هفضل طول عمري الاخ و الصاحب و السند ليكي اي وقت هتلاقيني موجود عشانك أهلك موجودين و كلنا موجودين علشانك، وهنحاول نعوضك، ونعمل المستحيل وهندور علي اي امل من جديد و مين عارف اللي مقدرش عليه البني ادمين قادر عليه رب العباد ربنا يصبرك يارب يا سارة".