والدة عمرو يوسف: ابني مسئول وزوجته كندة علوش أم رائعة ومثقفة
![عمرو يوسف ووالدته]( /UploadCache/libfiles/32/0/600x338o/242.jpg)
ADVERTISEMENT
كشفت والدة الفنان عمرو يوسف أسرار عنه خلال حلولها ضيفة معه على برنامج معكم منى الشاذلي.
تحيا مصر يرصد تصريحات والدة عمرو يوسف.
تصريحات والدة عمرو يوسف
وقالت والدة عمرو يوسف عنه: كان شقي جدًا وتعبني أوي وحياة بنته نسخته.. وعقل لما وصل ثانوي وبقى مسئول، إنسان مسئول ورائع بمعني الكلمة.. فخورة بيه كأب، مكنش مشاغب في المدرسة وصحابه بيحبوه وبيغير البامبرز لولاده، علمت كندة اللوبيا عشان عمرو بيحبها أوي.. كان بيشتغل أخته علا كتير، جراند اوتيل اكتر حاجة بحبهاله.
على الصعيد الآخر، فجر عمرو يوسف عدد من التصريحات التليفزيونية قائلًا: صورتي مع كندة في مهرجان فينسيا كانت بسطية جدا والناس اللي عملوه تريند، ممكن أبيع روحي عشان كندة وكنت بتخيلها في مسلسل وعد إبليس، مسلسل وعد إبليس هيتعرض على منصات عالمية بسبب مشاركة أجانب فيه.
وتابع: الشقلبات اللي بعملها في وعد إبليس كانت بنفسي وكنت بروح أتدرب عليها قبل التصوير. التحضيرات لـ وعد ابليس كانت كبيرة جدا وكنا بنصور المشهد في يوم، حلقات مسلسل وعد إبليس الـ 6 كنا بنحضرلها كأنه 30 حلقة، كنت بقعد في وعد إبليس 9 ساعات تحت الماية وبعد تصوير المشهد بتعب.
وأضاف: الفلوس اللي بناخدها في التمثيل يدوبك بتعيشنا والناس مش بتشوف التعب اللي بنتعبه، بقضى معظم وقتي مع بنتي وأنا أب كويس جدا وهي لذيذة ودمها خفيف وبحب القاعدة معاها، عالم الجن ده كله بعيد عني وبحاول اسد وداني منه ومش مقتنع ان ممكن يكون في جن بيفرق بين حد ومراته.أنا وفتحي عبد الوهاب قربنا من بعض في مسلسل وعد إبليس وهو راجل مثقف ومتفتح وواعي.
عمرو يوسف يتحدث عن مها أبو عوف
واستكمل: مها أبو عوف ست فريش وجميلة ولذيذة وبتحب الحياة وكانت بتهزر لـ أخر وقت واتشرفت اني عرفتها، كان لازم اصدق اللي بعمله في المسلسل عشان أقدر أقدمه للناس واعتمدت في وعد إبليس بشكل كبير على الأداء الصامت ودي كانت صعوبة دوري.