زينة: قالولي اختاري الدور اللي عايزاه في جعفر العمدة وكنت معزولة عن الأبطال عشان مليش في الرغي والهزار

تحدثت الفنانة زينة عن الكواليس التي جمعتها بـ أبطال مسلسل جعفر العمدة، الذي شاركت به في السباق الرمضاني 2023 بجانب الفنان محمد رمضان والمخرج محمد سامي.

تحيا مصر يرصد في ذلك التقرير تصريحات زينة عن كواليس مشاركتها في جعفر العمدة

زينة: مكنتش بحتك بأبطال جعفر العمدة عشان أحافظ على مود الشخصية

وأشارت زينة إلى عدم احتكاكها بأبطال العمل، موضحة: “كنت معزولة في أوضتي ومش بحتك بأبطال جعفر العمدة لأني بحب أركز مش بحب أضيع طاقتي في الكلام أو في حاجة غير الشغل لأني لو سبت نفسي للرغي والهزار مش هطلع حاجة، فلازم تحافظي على مود الشخصية”.

وأكدت زينة على رفضها المشاركة في مسلسل جعفر العمدة بالبداية: “أنا رفضت المسلسل وقولت خلوني في عمل تاني، بس هما أصروا وقالولي اختاري الدور اللي انتي عايزاه ولو عايزانا نزودلك دورك، بس أنا كنت مقتنعة بـ عايدة وكنت عايزة أعملها في الوقت ده، كنت مفتقدة الشخصية الهادية اللي ملهاش في الشر عشان السنة اللي قبلها واللي قبلها كانت شخصياتي شريرة”.

زينة: اتخضيت من ردود فعل الناس على جعفر العمدة

وقالت زينة عن نجاحات مسلسل جعفر العمدة: “ردود الفعل خضتني والمسلسل نجح بشكل كبير مش في مصر بس ده في العالم كله، نجح والناس لسة عايشة في شخصياته مش بيقولولي يا زينة بيقولولي يا عايدة والناس متفعلة مع كل الأدوار”.

وتابعت حديثها عن محمد رمضان: “بني أدم محترم وبيحترم كل الناس وبيقدر موهبة كل الناس وبيدي كل واحد قدره وموهبته بزيادة”.

نهاية أحداث جعفر العمدة

جدير بالذكر، أنه انتهت أحداث مسلسل جعفر العمدة على قيام انتقام جعفر من عائلة فتح الله بداية من دلال التي دخلت السجن إلى شوقي وكارم الذي قام بضربهم ضربا مبرحا في السيدة، كما طلق كل من زوجاته الثلاثة لتتبقى معه في النهاية ثريا والتي تجسد شخصيتها الفنانة مي كساب، ولكن تغلق الحلقة على تفكير جعفر في الزواج مرة أخرى.