حلقة زينة في حبر سري تدخل قائمة الأعلى مشاهدة

دخلت حلقة الفنانة زينة في برنامح حبر سري الذي تقدمه الإعلامية أسما إبراهيم إلى قائمة الأعمال الأعلى مشاهدة فى مصر عبر موقع الفيديوهات الشهير يوتيوب حيث تجاوزت عدد مشاهدتها الـ 400 ألف مشاهدة.

تحيا مصر يرصد دخول حلقة زينة قائمة الأعلى مشاهدة.

تصريحات زينة في حبر سري

وقالت الفنانة زينة: “لا يمكن مقارنة الأموال بالمشاعر في أي شيء وأنا أتعامل مع عائلتي بالمشاعر وليس الأموال، الحياة ترتبط بالفلوس، وأنا مش عايزة أتجوز وفكرة الزواج بالنسبة لي مرفوضة بشكل تام، لو اللي هيتقدملي فقير أنا معنديش مشكلة لكن الكلام ده لو فكرت في الموضوع لكن الزواج موضوع مقفول بالنسبة لي.”

وتحدثت الفنانة زينة عن الكذب قائلة : “أكره الكذب ولو وجدته في أي شخص يسقط من نظري، ومش بشوف الرجل الندل، وأنا شخصيتي قوية ومن يقف امامي يرتبك وبيخاف يعترف بأي شيء، لما بتعصب بكون واحدة تانية وبخوف، عمري ما شفت في حياتي رجالة بخيلة ووالدي كان رجلا كريماً، للأسف اشتغلت كتير في أعمال عشان الفلوس، واشتغلت فيلم مع إلهام شاهين بدون أموال.

ودخلت زينة في نوبة بكاء على الهواء اثناء حديثها عن والدها المتوفي، قائلة:" والدي كان راضي عني قبل وفاته بشكل كبير.. ربنا يرحمه ".

انهيار زينة من البكاء في حبر سري 

وتابعت زينة باكية:" أكتر حاجة بفتكرها من والدي ضحكته، ولو فيه ملايكة على الأرض هقول أبويا ده ملاك مش بني آدم ".

وأكملت زينة:"  والدي كان حنين وطيب وأنا تعبت أوي بعد وفاته، ومفيش حد زي الأب".

زينة تتحدث عن والدها بعد وفاته

وتابعت زينة باكية:" بعد وفاة والدي بحس دايما إن البيت بدون باب ووجع الفراق لا يقل مطلقا ومش بنسى والدي مطلقا ".