هعمل علاقة مع بنتك ومراتك قدامك.. شاب يخطف أربعيني ويجبره على إمضاء إيصالات في الجيزة|فيديو

جريمة شهدتها محافظة الجيزة، وتحديدا منطقة الهرم، حيث تعرض شخص أربعيني يدعى أحمد سويلم - صاحب إسطبل للخيول، لواقعة إختطاف وتهديد على يد 6 أشخاص.

جريمة السحور.. رجل يقتل زوجته بعد مشاهدة محادثاتها مع عشيقها في القاهرة

جريمة ليلة القدر.. خنق زوجته العشرينية وأختلق واقعة درامية في أسوان|فيديو

أربعيني يسرد واقعة خطفه على يد شاب و5 آخرين

التقى تحيا مصر المجني عليه أحمد سويلم في الجيزة، وقال أنه بالغ من العمر 43 عاما ومالك إسطبل خيول في منطقة نزلة السمان في الهرم بمحافظة الجيزة، وتعرف على شاب بالغ من العمر 17 عاما، من خلال جيرانه في المنطقة وقام الأخير بشراء خيول وأحضرها له لمراعاتها بمقابل مادي.

وتابع سويلم ضحية الخطف في الجيزة، بعد فترة صغيرة تقريبا شهرين قعد فيهم عندي شوف تصرفاته العجيبة والمريبة، وطبعا أنا المكان عندي عائلي جدا ومكنش ينفع معايا الأساليب دي، قولتله أنت خيولك كترت هنا عندي خدها وشوفلك مكان وأمشي من هنا.

المجني عليه: خطفوني من مكان في الجيزة

واضاف سويلم، طبعا عشان هو كان بيتنصب عليه لدرجة أنه كان جايبلي خيل ميجبش فلوس كان مشتريهم بـ 55 ألف جنيه، فجاب والده ووالدته وقعدوا وطلبوا إني أفضل معاه وأنهم مطمنين وأنا رفضت ده وطردته قدام أصحابه، وأتعملت قعدة في نزلة السمان وجبت شهود عليها إني مشيته.

وتابع أحمد سويلم، الشاب ده راح بعد كدة أجر مزرعة عند الطريق الدائري، ونقل الخيل بتاعه من عندي وأختفي شهرين وبعد الشهرين دول أتصل بيا وقالي ياعم أحمد أنا عايزك وعازمك على العشا وجالي الإسطبل بـ توك توك ومجاش بـ عربيته سألته عليها قالي هي بس بتتصلح وروحنا فعلا أتعشينا في فيصل في الجيزة وجيت ادفع مرضيش يخليني ادفع.

المجني عليه: تهديد وإجبار على إمضاء إيصالات أمانة

وأكمل بعدها قالي عايزك تيجي تشوف الخيل تعبانة عندي في المزرعة ولما روحنا لقيتها مقفولة قولتله فين المفاتيح قالي نسيتها في العربية تعالى نجيبها، يادوب وصلنا أخر الشارع وشوفت عربيته راكنة ونزل منها ناس وساعتها ضربني بالبونيه وخلع المفتاح بتاع العربية ورمى المفتاح من الشباك وبعدين ضربوني وأخدوا العربية الجيب بتاعتي وخطفوني في العربية، وبعدين تحت تهديد السلاح وكمية الألفاظ هددوني عشان أمضي دفتر إيصالات أمانة وقالولي لو ممضتش هنجيب بنتك 4 سنين ومراتك ونصورهم في أوضاع مخلة، ونعتدي عليهم وزي ما جيبناك هنجيبهم.

وكانت الأجهزة الأمنية بمديرية أمن الجيزة تلقت بلاغا من المدعو أحمد سويلم، تضمن قيامه 6 أشخاص بإختطافه وإجباره على إمضاء إيصالات أمانة تحت التهديد في منطقة أبو النمرس.