زوج علا غانم: اتجوزتني عشان فلوسي وبعدها ادتني شلوط عشان ترسم على واحد تاني

فجر رجل الأعمال الشهير عزيز لبيب، زوج الفنانة علا غانم مجموعة تصريحات جريئة عن الفنانة خلال لقاءه بـ موقع تحيا مصر، من بينها رفع قضية خلع عليه في الوقت الذي كانت تعيش فيه في منزل واحد وذلك على طريقة وداد “جوي بكر”، وسيد العمدة “أحمد فهيم" في مسلسل جعفر العمدة.

تصريحات زوج علا غانم لـ تحيا مصر

وجاءت تصريحات زوج علا غانم لـ تحيا مصر على هذا النحو:

• كل حاجة بتقولها كذب وبتمثل عليا بقالها 17 سنة عشان تاخد مني فلوس وولادها يتربوا كويس.
• ادتني شلوط عشان واحد تاني بترسم عليه.
• كنت بحبها ودلوقتي بكرهها كره فظيع بعد ما عمري كنت أفكر أسيبها.
• عزيز كان أول خطوة لعلا كان كل طموحها عربية عيشتها في فيلا بـ 4 ونص مليون جنيه.
• أنا كنت غيبوبة مع علا ومكنتش شايف أي حاجة غيرها كانت عمياني ومكنتش بسمع كلام أي حد وكنت دايما بقول قلبها طيب.
• علا كانت محسساني إن الدنيا من غيري ولا حاجة وأنا كنت محتاج الحياة المصرية الأصيلة.
• كانت عايشة معايا حياة زوجية كاملة وكنت ممكن أصحى الصبح ألاقيها ماشية مع واحد تاني ويكون جوزها.
• هي وأمها كانوا عايزين ينهبوا مني كل حاجة لكن أنا من عيلة قوية مش هيسمحلهم بد.
• لو بتقولي اني بشتغل عندها أن موافق بـ ترجعلي الـ 285 ألف دولار حق شغل 5 سنين.
• بتدعي ادعاءات كاذبة وهي نفسها قالت في برنامج تليفيزوني انها كانت بتكذب.

علا غانم: كنت عملاله مرتب بـ 7 ألاف دولار في الشهر

وسبق وأن قالت علا غانم في تصريحات تليفزيونية: “احنا مكناش عايشين مع بعض أنا كنت مأجراله بيت وعملاله مرتب 7 ألاف دولار ومكنش عايش معايا في نفس البيت وعربيته وكل حاجة خاصة بيه أنا اللي بدفعه كان بيصعب عليا وسيباه عشان مكنش ليه مكان يعيش فيه اللي عيشته الشهر اللي فات هي دي الجريمة والكابوس اللي مش قادرة أصدقه”.

وأضافت: “خلاني أبيع بيتي من غير ما أعرف ونصب عليا والأذية مبقتش خيانة وكذب بس، أنا كنت وصلت لدرجة إنه مش عيزاه يلمسني وفيه ستات كتير جدا بتتخان وأما كنت بواجهة كان بيتهمني بالجنون”.