صلاح ماعندوش كاريزما وكوكا بيلعب بالواسطة.. تصريحات نارية لـ ميدو مع العرافة

حل أحمد حسام ميدو، لاعب كرة القدم السابق والإعلامي الحالي بـ شبكة قنوات المحور ومُقدم برنامج «ريمونتادا» ضيفًا في برنامج العرافة والذي تقدمه الإعلامية بسمة وهبي على شاشة القناة ذاتها اليوم، الأحد. 

تصريحات أحمد حسام ميدو 

وأطلق ميدو، مدرب الإسماعيلي السابق عدة تصريحات قوية جاء أبرزها عن محمد صلاح وخلافه مع أحمد حسن كوكا والاتحاد المصري لكرة القدم. 
وجاءت أبرز تصريحات ميدو على النحو التالي:- 
صلاح معدوم الكاريزما 
قال ميدو: "محمد صلاح كان صفر كاريزما لكنه كان من الأفضل في جيله، وبعدين اشتغل على نفسه وأصبح أفضل لاعب في تاريخ مصر".
خلافه مع كوكا
أكمل ميدو: "أنا ماهجمتش كوكا، أنا قولت رأيي فيه لأن شغلانتي أساسها إني أطلع أقول رأيي زي ما المذيعين والنُقاد شغلانتهم يقولوا رأيهم فيا لما بكون مدرب، لو جمعنا رأي المصريين في كوكا وعن إن كان يستحق مكانه في منتخب مصر ولا لا، 85 ٪ منهم هيقولوا لا ميستحقش". 
"أنا شايف إن لاعب الكرة لما يتعرض لانتقاد رده يكون في الملعب مش على اللي بينتقدوا مفيش ولا لاعب في منتخب مصر بيلعب بالواسطة غير كوكا". 

بالصور.. الأهلي يختتم تدريباته استعدادًا لمواجهة سموحة في الدوري

موقفه من النني 

أضاف ميدو:" أنا بشيد بالنني من قبل ما يظهر معايا في البرنامج، وكنت بقول زمان إني عايز اسأل مدربه في أرسنال عن مميزاته كلاعب محترف".
وعن اعتذاره لـ عامر حسين قال: " حصل خناقة بيني وبين عامر حسين، وأنا شوفت أنه بحكم السن كان لازم أعتذرله فسافرت له إسكندرية وكان معايا سيف زاهر وصالحته". 
وعن نادي زِد قال: " عمري ما قولت إن فيه فساد في نادي زِد وكل المسئولين هناك أصحابي، نادي زد منظومة محترمة وكبيرة وعملوا إنجازات عظيمة في فترة صغيرة جدًا". 
وعن هجومه على جمهور الأهلي:" أنا شغلتي هي أن أكون محايد، ولما جمهور الأهلي هتف هتافات عنصرية ضد شيكابالا في مباراة السوبر أنا هاجمتهم، وعملت نفس الحاجة لما شيكابالا رقص مع بعض من لاعبي الزمالك على إساءات للأهلي". 
عن رقص شيكابالا على هتافات مسيئة للأهلي بعد تتويج الزمالك بالدوري: " قولت إن شيكابالا كان لازم يسحب اللعيبة بعيد عن الجمهور وميخليش حاجة تلغوش على فرحتهم بالدوري، شيكابالا زعل مني لما اتكلمت عليه بس هو زي أخويا الصغير وكلمته وفهمته وجهة نظري". 
واختتم حديثه قائلًا: " كل الناس بتوع الكرة عارفين إن ميدو عمره ما بيقبل جنيه واحد إلا لو اشتغل بيه، أنا أكتر إعلامي يهاجم اتحاد الكرة، اتحاد الكرة قال إن فيه موظف حط خطاب استضافة مصر لنهائي دوري أبطال إفريقيا في الدرج، ليه الموظف ده ماتعاقبش لحد دلوقتي؟".