قتله بعد التراويح.. زوجة سائق الغربية لـ تحيا مصر: كل حاجة حلوة راحت|فيديو

واقعة مأساوية شهدتها محافظة الغربية، وتحديدا قرية السجعية التابعة لمركز المحلة الكبرى، حيث قتل حلاق سائق توك توك ستيني ذبحا وفر هاربا، إلا أن أجهزة أمن الغربية ألقت القبض عليه.

حفلة تعذيب إنتهت بـ وفاتها.. مأساة طفلة الوراق وقرار جديد بشأن والدها

دي بنت حرام.. والدة طفلة الوراق لـ تحيا مصر: كسرني وحرق قلبي عليها|فيديو

القصة الكاملة لمقتل سائق توك توك الغربية

وقالت زوجة المجني عليه سائق توك توك الغربية لـ تحيا مصر « صلاح كان شغال سواق على أتوبيس وبعدين طلع معاش بسبب نسبة عجر في رجله، وإشترى توك توك عشان يشتغل عليه ويصرف على البيت، ومكنش ليه دعوة بحدة والناس كلها كانت تحبه».

تابعت زوجة المجني عليه عم صلاح - سائق توك توك في الغربية «الناس كلها هنا كانت بتآمن لـ صلاح الله يرحمه يوصل أطفالهم وبناتهم وسيداتهم، لأي مشوار وده لأنه كان راجل طيب وميحبش المشاكل ولا الخناقات ولا الكلام ده وكان ماشي في حاله خالص».

زوجة سائق التوك توك: صلاح كان في حاله

وأضافت زوجة المجني عليه - سائق توك توك الغربية «يوم الحادث صلاح كان شغال من الصبح وجه قبل الفطار وقعد معانا وفطرنا، وبعدها سمع صوت أذان العشاء وخرج عشان يصلي العشاء والتروايح، وفي الوقت ده كان في سيدات مكلمينه يوصلهم وراح لهم فهلا ووصلهم وهو راجع إتقتل».

وأكدت زوجة عم صلاح «المتهم كان مستنيه وهو عارفه أصلا ووقفه وقاله خدني معاك ياعم صلاح، وأول ما ركب قتله وذبحه، وبعدين في واحد كان راكب دراجة نارية قريب من الواقعة، المتهم أخد بعضه وجري من مكان القبض عليه، والراجل اللي كان على الموتوسيكل جه ولقاه صلاح وبلغنا».

خدها أوضة النوم وقلعها البنطلون.. مفاجأة على لسان والدة طفلة المرج|فيديو

كارثة.. ضبط مصنع لإنتاج وتعبئة الأدوية داخل شقة في القاهرة

وإختتمت زوجة عم صلاح حديثها قائلة «صلاح كان كل حاجة حلوة بصراحة، لما شوفته مدبوح معرفتش أنطق وأغمى عليا ومكنتش متخيلة ولحد دلوقتي مش متخيلة أنه مات، أنا مستنياه يدخل عليا في أي وقت، ولو قتلتوا المتهم ده وقطعتوه حتت مش هيشفي غلي».

أمن الغربية يضبط قاتل سائق التوك توك

فيما كشفت الأجهزة الأمنية في الغربية، تفاصيل مقتل سائق توك توك والعثور على جثمانه بالقرب من أحد الأراض الزراعي في قرية السجعية التابعة لمحافظة الغربية بمدينة المحلة مطعونا وبها جرح ذبحي، حيث تمكنت أجهزة مديرية أمن الغربية من ضبطه.

تلقت الأجهزة الأمنية بمديرية أمن الغربية، بلاغا تضمن العثور على جثة مسن بالقرب من أرض زراعية بقرية السجعية بمركز المحلة وبها جرح ذبحي في الرقبة، وعلى الفور شكلت أجهزة مديرية أمن الغربية فريق بحث توصلت جهوده إلى أن وراء ارتكاب الجريمة حلاق من القرية، وعقب تقنين الاجراءات تم القبض على المتهم.