اعرف مواصفات فتى أحلام رضوى الشربيني.. وخلطتها للتفريق بين الرجل الصعب و "التوكسيك"

كشفت الإعلامية رضوى الشربيني عن معنى بعض المصلطحات منها مصطلع “أشباه الراجل”، فقالت: “أنا عدوة أشباه الرجال اللي بيضرب مراته كل يوم علقة سخنة وبيشغل مراته وهو قاعد في بيته، الراجل اللي بيجرجر مراته على المحاكم عشان تجيب قوتها وقوت ولادها”.

تحيا مصر يرصد في ذلك التقرير تصريحات رضوى الشربيني 

مقارنة دينا الشربيني بين مصطلحي رجل وشبه رجل

وتابعت رضوى الشربيني حديثها خلال برنامج “أنا والقناع”، الذي تقدمه الإعلامية منى عبد الوهاب: “الراجل لازم يكون عنده مبدأ الدين معاملة، يبقى قوي يقويكي ميستقواش عليكي وحتى عند الفراق يجيبك قدامه ويوقولك بدون ما يجرحك ولا يهينك، لازم يكون حنين القلب وضهر وسند موجود عند اللزوم، مبيضحكش على بنات الناس ولا يهين بنات الناس”.

كيف تفرق بين الرجل الصعب والتوكسيك؟

ووضعت دينا الشربيني مجموعة مواصفات للتفريق بين الرجل الصعب والتوكسيك، فقالت عن الرجل الصعب: “عصبي، بيتدخل في كل شؤون حياتك، مسيطر ومتحكم، قاعد بينظر عليكي طول الوقت، غيور وشكاك، لكن بتقدري تعيشي معاه”، أما عن الرجل التوكسيك، فقالت: “الخائن، اللي بيخلي مراته وهما خرجين بترعش زي الكتكوت المبلول، بيقتل ثقة الست في نفسها، بخيل في المشاعر وعنده هوس بنفسه، بيتلفظ بألفاظ مش محترمه وبيجرح كرامة الواحدة بيقطع صلة الرحم بين الست وأهلها”.

مواصفات فتى أحلام رضوى الشربيني

وتحدثت رضوى الشربيني عن مواصفات فتى أحلامها، فقالت: “عايزاه قادر عشان أنا ست قادرة، قوي ويقويني ويبقى سندي وضهري، لو قرر إنه مش عايزيني يقولي انا اسف مش هقدر أكمل، لازم يكون ناجح وعنده طموح وبيتقي ربنا في معاملة باباه ومامته، يحبني أوي ويهتم بيا ويعرف يتعامل معايا لأني صعبة، دمه خفيف ويكون شيك في نفسه”، ومازحت رضوى الشربيني منى عبد الوهاب وقالت أن تلك المواصفات في الأحلام فقط.

ونفت رضوى الشربيني في وقت سابق وجعها من تجربة الطلاق، موضحة: "الوجع كان كبير وقسيمة الطلاق مش وجع لكن اللي بيوصلك للطلاق هو اللي بيبقى وجع، وأنا عمري ما هتكلم على أبو بناتي لأن فيه بناتي بيحبوه جدا وبيحترمه وهيفضلوا شايلين اسمه، ليه اطلع أقول على السبب، لكن الأكيد إني بعده اكتشفت نفسي.