رضوى الشربيني: قولت للست تتزين لجوزها ولو تقدر طبق ماية وملح.. والسوشيال ميديا بتقص كلامي

حلت الإعلامية رضوى الشربيني ضيفة على برنامج “أنا والقناع”، الذي تقدمه الإعلامية منى عبد الوهاب على شاشة قناة الحياة وسي بي سي، وكشفت خلاله تصريحات جريئة.

تحيا مصر يرصد في ذلك التقرير تصريحات رضوى الشربيني خلال برنامج أنا والقناع

رضوى الشربيني: شرف ليا إني إمرأة ومحبش أتخلق راجل

وقالت رضوى الشربيني خلال البرنامج: شرف ليا إني إمرأة ومكنتش أحب أتخلق راجل ولو حد شايفني تهمة فده في نظر أشباه الرجال، وأنا مبسمحش لنفسي إني انهار ومعظم الوقت متفائلة وراضية وكل حاجة بتحصل خير عشان رب الخير ما بيجبش الا الخير".

رضوى الشربيني: بقول للست اتزني عشان جوزك وحبيه ومعرفش مين صدر اني عدوتهم

وعن تداول فيديوهاتها التي دائما ما تكون مناصرة للسيدات، قالت رضوى الشربيني: “معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي”.

رضوى الشربيني عن تصريح “الست مش ملزمة تبات في بيت جوزها”: كنت بتريق ومفيش واحدة محترمة تقول كدة

وتطرق بحديثها عن تحريف بعض تصريحاتها والذي كان من بينهم تصريح “الست مش ملزمة تبات في بيت جوزها”، فأوضحت رضوى الشربيني حقيقته، قائلة: “أنا كنت مستضيفة داعية وبتريق على وادة بتقول الست مش ملزمة تبات في بيت جوزها والسوشيال ميديا قصوه، هو فيه واحدة محترمة بتشتغل وسط محترمين هتقول كدة.. إمال تبات فين؟ دا أنا كدة مش معقدة أنا فاسقة”.

من جانب أخر، خرجت الإعلامية رضوى الشربيني وعلقت على سجود زوجة حسن شاكوش له في حفل الزفاف، معربة عن استيائها من ذلك الأمر، فقالت: “حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده”.

وتابعت الشربيني: “ازاي واحدة هانم، ست، ليدي تنزل على ركبها ومن ركبها على الأرض وقدام الناس وبفستان الفرح !! ميصحش كده وبنبهكوا عشان الموضوع ميبقاش تريند ونلاقي كل واحدة نزله تسجد للمتجوزاه.. أنا أسجد لربنا على جوزي في أوضة نومي مش وسط الناس كلها”.