مي كساب: أوكا نقطة ضعفي وبيخليني أمشي بطقم حراسة لأنه بيخاف عليا جدًا

كشفت الفنانة مي كساب عن سبب فقدانها الوزن خلال الفترة الأخيرة، كما تحدثت مي كساب عن علاقتها بزوجها أوكا، والشائعات التي يتعرضوا لها دائمًا.

تحيا مصر يرصد لكم تصريحات مي كساب

وقالت مي كساب خلال استضافتها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: خدت قرار العملية في يوم عملت تكميم معدة وكان عندي مشكلة في الحجاب الحاجز وكان اصح قرار خدته في حياتي وندمانة على كل وقت سيبت نفسي فيه كده.

واستكملت: بنتي دليدة دايما تقولي أنا عايزاكي تبقي رفيعة وهي كانت السبب إني أعمل العملية وأخس ، وفضلت طول الوقت تقولي كده وأنا حسيت إني عايزة أعمل كده لأني مش عارفة اتنفس ولا أجري مع ولادي.

مي كساب:  أوكا صاحب مدرسة المهرجانات ومفيش حد زيه 

كما تحدثت عن زوجها أوكا وقالت:  أوكا صاحب مدرسة المهرجانات ومفيش حد زيه وهو عنده فكر وبيفكر دايمًا يطور من المهرجانات.

وأضافت: وهو دايما بيفكر ازاي يطور وبيجرب كتير وبيحضر لالبوم ومتعاون مع ناس جديدة ومتطور من مزيكا المهرجان.

وأوضحت: محمد من الرجالة اللي يحب يشوف مراته ناحجة ولما مريت بلحظات يأس كان بيشجعني ويخليني مستسلمش لليأس والأحباط.

وتابعت مي كساب: أنا مش شايفة أي تراجع لـ أوكا وهو بياخد وقت كبير بس عشان يوصل لفكرة، ويارب يبقى جمهوري نص جمهوره.

مي كساب: أوكا نقطة ضعفي ومش بقبل عليه كلمة

واستكملت: أوكا أغلى حاجة في حياتي ومعنديش أغلى منه وهو نقطة ضعفي ومش بقبل عليه كلمة ، وأوكا بيخليني أمشي بطقم حراسة ومش بروح أي مكان لوحدي ومش بيخليني أسوق العربية لأنه بيخاف عليا جدًا

وكشفت: كنت غيروة جدًا وأنا شخص مش سلس ومش بحب حد يتجرأ على جوزي لأن أنا مش بتجرأ على جوز حد والبنات بقت جريئة ويعاكسوا الولاد. 

واستكملت: ابويا قالي انتي كسبتي الرهان قدام العيلة والناس كلها لما اتجوزتي اوكا.

مي كساب في جعفر العمدة 

وسبق وردت الفنانة مي كساب على الانتقادات التي وجهت لها بسبب مشاهد بكائها في مسلسل "جعفر العمدة"، والذي يعرض خلال الفترة الحالية خلال السباق الرمضاني، وحقق نجاحًا كبيرًا.

تولقت مي كساب انتقادات بسبب طريقة بكائها في العديد من المشاهد في مسلسل "جعفر العمدة" وخاصة مشهد سجن "جعفر" والتي بدت وكأنها ضحك وليس بكاء، وفي مقطع فيديو نشرته عبر حسابها على تيك توك قالت مي كساب " بعيط أهو بعد ما عرفت إن "دلال" اللي خطفت ابني ووشي بيضحك أنا كدا ربنا خالقني كدا هعمل تغيير وش؟ أنا ربنا خالقني مبتسمة حتى وأنا بعيط".