البلوجر سارة محمد: خطيبي بيهددني وبيقولي احترمي مرضك

كشفت البلوجر سارة محمد عن تعرضها للتهديد من خطيبها، وذلك من خلال مقطع فيديو عبر حسابها الشخصي على موقع التواصل الاجتماعي فيسبوك.

تحيا مصر يرصد تفاصيل تعرض سارة محمد للتهديد

تعرض سارة محمد للتهديد

وقالت سارة: كلكم عارفين اللي جرالي، والخرطوش اللي اخدته في دماغي، والـ 70 غرزة وعيني اللي اتصفت، والأمل الوحيد اللي عندي أن نفسيتي تتظبط وأني أكون كويسة.

وتابعت: أنا فديت حد بعيني سواء خطيبي حد غريب، أي حد أنا فديت حد بعيني، أنا مستاهلش أن الشخص دا يبقى مصدر لتدمير نفسيتي.

سارة محمد وخطيبها

واضافت: الشخص دا اللي كان خطيبي بيهددني، وبيقولي احترمي مرضك عشان خاطر لما الناس سألتني هو أنتي رجعتي لحياتك القديمة قولتلهم هرجع لحد اتخلى عني ؟.

واستكملت: اتعرضت منه لسب ولكل حاجة مش كويسة بس كل مرة كنت بتنازل عشان خاطر أنا بعز أهله.. بعد كل اللي حصلي بيقولي أنتي بتدعي المرض، وبيهددني وبيقولي متجيبيش سيرتي عندك .

تصريحات البلوجر سارة محمد مع ريهام سعيد

وفي وقت سابق، تحدثت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، وذلك خلال لقاء لها ببرنامج صبايا الشمس مع المذيعة ريهام سعيد.

حيث قالت سارة: مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة أني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة أني هلاقي ناس كتير كدا بتحبني ومهتمة بمرضي.

وتابعت سارة: عايزة أقول أن عمرو الوحيد هو اللي عندي 24 ساعة، مش بيسبني، عمرو الوحيد هو اللي تثقه في أي حاجة هو بينزلها، لأنه مش بينزل حاجة من غير ما يكون معرفني، وهو قاعد في بيتنا وقاعد مع أهلي.

دعم وائل كفوري لـ سارة محمد

وعلى الصعيد الآخر، حرص المطرب اللبناني وائل كفوري على دعم البلوجر سارة محمد بعد إصابتها بالعمى جراء تعرضها لحادث، وذلك وفقا لما نشرته الإعلامية ريهام سعيد عبر حسابها الشخصي على موقع تبادل الصور والفيديوهات إنستجرام.

حيث شاركت ريهام مقطع صوتي لـ وائل كفوري، جاء فيه: مساء الخير سارة حبيت ابعتلك هالفويس أول شي لأطمن عنك، واقولك أنه أنا متابعك، وأنا حدك وصلواتي معك، وبدي أطلب منك تضلي قوية.

وتابه كفوري: وتضلي إيمانك كبير بربنا، وكوني واثقة أن الأيام الجاية مخبيالك الأحلى، واللي عند ربنا مش عند حدا، أنتي قمر، وراح تبقي قمر شكلا ومضمونا، بنحبك.