روجينا: برفض أدوار الإغراء وميلزمنيش نجومية بالطريقة دي وقبلة فيلم المصير كنت صغيرة

حلت الفنانة روجينا ضيفة على برنامج “أنا والقناع”، الذي تقدمه الإعلامية منى عبد الوهاب ويعرض على شاشة قناة الحياة وسي بي سي، والتي كشفت خلاله علاقتها بأشرف زكي وموقفها من أدوار الإغراء، ويرصد تحيا مصر أبرز هذه التصريحات.

تصريحات روجينا في أنا والقناع

• أمي كانت دايما تقولي أهم حاجة بيتك وإنك تخلفي وتتجوزي عشان كدة اتجوزت بدري.
• مرض أشرف زكي فترة صعبة جدا عليا وكنت بلبس قناع الراجل اللي متحمل المسؤولية عشان سندي في مشكلة كبيرة مكنش لازم أكون ضعيفة ولازم أكون هو.
• كنت حاسة إنهم بياخدوا قلبي مني وأشرف داخل العمليات من غير ما يقولولي انهم هياخدوه، وأنا دايما رافضة إنه  يتألم.
• أنا مرجعتش بعد الفترة دي زي مانا بقت متوترة عليه وقلقانة عليه وبقيت تحت رجليه يزعق أو يتخانق اعمل اللي انت عايزه.
• الانفصال خلاني أنا وأشرف نفكر في بعض واحنا بعيد وكانت فترة مهمة جدا في حياتي أنا وأشرف.
• اللي بين أي اتنين محدش برة يعرفه خالص.
• عمري ما حسيت اللي بقدمه كزوجة وأم تضحيات، أنا من غير بناتي وأشرف زكي ولا حاجة الحقيقي بيتي وجوزي وبناتي واللي مش حقيقي غير كدة.
• لو الغيرة تعدت الحدود وبدأنا نغلط في بعض هنا بيبقى الغلط.
• في فترة من الفترات قولت أنا ليه  اتجوزت بدري وعملت كدة في نفسي وقررت مخلفش تاني.
• اللي خلاني أتجوز بدري حبي للأمومة والفرصة دي رزق من عند ربنا.
• أشرف زكي دايما طمعان إني اكون ممثلة مهمة ونجمة الناس بتقدرها وأنا عيزاه أحسن راجل في الدينا.
• برفض أدوار الإغراء لأني مش لازمي نجومية بالطريقة دي.
• قبلت مشهد فيلم المصير لأن يوسف شاهين مبيتقالوش لا ودي كانت بوسة، ومين بعد يوسف شاهين يهمني.

روجينا في رمضان 2023

من ناحية أخرى، يعرض لـ روجينا خلال الفترة الحالية مسلسل ستهم، الذي تخوض بطولته إلى جانب الفنان إياد نصار، وجهاد سعد، ونانسي صلاح، وأحمد الرافعي، ومحمد عبد الحافظ، وإبراهيم السمان، بيومي فؤاد، وسلوى عثمان بالإضافة إلى شيخ المنشدين ياسين التهامي، في أول تجاربه ظهور له في الدراما، وإنتاج شركة كودكس codex ، وهو من تأليف ناصر عبد الرحمن، وتحت قيادة المخرج رؤوف عبد العزيز.