عذبها بالنار 4 أيام وقتلها في الخامس.. تفاصيل مروعة في مقتل ممرضة أكتوبر على يد زوجها

كشفت أسرة ممرضة أكتوبر، التي تخلص منها زوجها، بعد 5 شهور ويومين فقط من زواجهما، بعد سلسلة ووصلة تعذيب استمرت لأكثر من 4 أيام، انتهت بمقتلها في اليوم الخامس.

أسرة الضحية ممرضة أكتوبر أوضحت في مقابلة مع موقع تحيا مصر، تفاصيل الأسباب التي دفعت زوج ابنتهم للتخلص منها، حيث أشاروا إلى أن زوجها كان يضربها بسبب عدم زيارة أهلها لها وتقديم الهدايا في المواسم، وآخرهم رمضان، في حين كشفت أمة الضحية، انها كانت مريضة لذلك لم تستطع الذهب إليها بموسم رمضان.

قتلها بسبب موسم رمضان

والد ضحية ممرضة أكتوبر، أوضح أنها "كانت زميلته في الشغل وتعرفوا على بعضهم، وكانوا بيحبوا بعض وفضلوا كويسين لحد بعد الجواز قلبت الآية"، مشيرًا إلى أن "النيابة بلغتنا إن بتتكم في المستشفى تعبانة، روحنا لقناها ميتة.. وأخته الكبيرة اتصلت علينا قالت تعالوا خدوا بنتكم ماتت وقتلت نفسها".

من جانبها ذكرت الأم أنهما: "متزوجان منذ 5 شهور ويومين.. وسألنا عليه قبل الجواز عطانا اسم غلط".

"أهلها مجبوش ياميش رمضان ".. تفاصيل مقتل ممرضة وهى حامل على يد زوجها بعد شهور من الزواج

هي اللي وقعت على السكينة.. قصة مقتل ممرضة الجيزة على يد زوجها في التراويح|صور

وتابعت أم الضحية "كان بيقولها جوزوكي ورموكي ومش بيجبولك زيارة ليه.. ولما آجلها وأجبلها زيارة يقولي أنت جاية تخربي على بنتك وكان بيحرق جسمها علشان المواسم وعاضض جسمها كله وكان بيعذبها".

4 أيام تحت التعذيب

من جانبها، تحسرت الأخت على فراق أختها ممرضة أكتوبر: "قلبي بيتحرق على أختي.. الطب الشرعي قال بيعذبها بقاله 4 أيام واليوم الخامس قتلها وحرق وشها وحرق ايديها وعمرها ما غلطت في حماتها رغم إنها كانت بتعايرها".

وأضافت "قلبي كان حاسس إنه هيعمل فيها حاجه.. وكان بيغير من عمها وخالها علشان بيبوسها زي بنته.. ويقولها أهلك بعوكي ورموكي"، متابعًا: "قعدها من الشغل والمعهد قبل الجواز بشهر.. حرمني من أختي وأنا طالبة القصاص".

وأضافت أم ممرضة أكتوبر الضحية: "أنا طالبة القصاص ويارب اللي عملوا في بنتي يتردله.. وأنا عايزة حق بنتي في ميدان عام.. ويتحرق بالنار زي ما حرق بنتي"، مضيفًا :"قولتلها تعالي وأطلقي ومش عايزة عزال ولا فرشها.. حرام بنتي طفلة يعمل فيها كده.. بنت عندها 20 سنة".

وتابعت: "فرحها كان امبارح، لأن بنتي شهيدة معملتش حاجه تغضب ربنا.. وجنازتها كانت منورة، وهي كده ارتحت لكن أنا مش هرتاح غير لما ييجي حقها".