ياسمين رئيس: مش بحب أحضر الجنازات لأن بشوف الناس على حقيقتها وحنين حسام معملتش حاجة غلط

كشفت الفنانة ياسمين رئيس عن أسرار في حياتها الشخصية، كما كشفت عن سبب رفضها ظهور نجلها على السوشيال ميديا ودخوله عالم التمثيل.

تحيا مصر يرصد لكم تصريحات ياسمين رئيس

وقالت ياسمين رئيس في برنامج حبر سري والتي تقدمه الإعلامية أسما إبراهيم: لو في مخرج مش بحبه مش هشتغل معاه حتى لو الدور حلو وعاجبني.

وكشفت ياسمين رئيس عن موقف تعرضت للظلم من خلاله وقالت: اتظلمت قبل كده ومرة وأنا صغيرة كان أخويا عمل مشكلة وبابا قال لو متكلمتوش انتوا الاتنين هتتعاقبوا والحل اني افتن عن اخويا أو اتعاقب وقررت اتعاقب ومفتنش على أخويا وحسيت بالظلم.

ياسمين رئيس تكشف سبب عدم ظهور نجلها على السوشيال ميديا

كما كشفت ياسمين عن سبب رفضها ظهور نجلها على السوشيال ميديا وقالت: رفض ظهور ابني في أي عمل فني لأنه مش بيحب وأنا بشوف أن الزمن اختلف عن زمان لأن الناس بتكتب تعليقات مش كويسة مش هستحملوها وأنا بحافظ عليهم وهو مش بيحب خالص.

وتابعت: أنا سيباله حرية الاختيار وهو مش بيحب السوشيال ميديا وأنا فرضت عليه وقالي مش معنى انك تبقى ممثلة ابقى أنا ممثل أنا مش حابب اطلع على المسرح ولا اطلع ممثل.

ياسمين رئيس عن حنين حسام: هي معملتش حاجة غلط والمجتمع حكم عليها

كما تحدثت عن حنين حسام وبعد بعدما دافعت عنها من قبل وقالت: حنين حسام كان لازم يتعمل معاها كده عشان المجتمع عايز حد يبقى كبش فدا، وأنا كنت مستغربة من حكم الناس ضد حنين حسام ورفضت الهجوم عليها وبقينا في مجتمع محكمة الرأي العام وعايزين البنت في حدود معينة وحكموا عليها وهي معملتش أي حاجة غلط.

ياسمين رئيس: مش بحب احضر جنازات لأني بشوف الناس على حقيقتها

وكشفت ياسمين رئيس عن سبب عدم حضورها الجنازات وقالت: مش بحب احضر جنازات، وأول جنازة حضرتها كانت زيزي البدراوي وشوفت الناس على حقيقتها وشوفت مواقف من الناس حسيت أن في حاجة غلط.

وسبق وكشفت ياسمين رئيس عن القضايا التي تتمنى أن تناقش في السينما، فقالت: “فيه قضايا كتير، يعني احنا في حاجات كتير لسه محتاجين نتكلم فيها كتير طول الوقت عشان الناس تاخد بالها، لأنه الحقيقة فيه قوانين كتير قديمة ومحتاجة أن هي تتغير تضمن للست حقوقها بشكل كويس، زي قوانين الأسرة والطلاق.

وتابعت: والست اللي بتطلق وبيبقى عندها ولاد، ومشاكل كتير مخدتش حقها أنها تتناقش، ومفيش حد للأسف مهتم بيها أو بيتكلم عنها كتير”.