كريم فهمي: اشتغلت 10 شغلانات وأنا صغير وقعدت سنة اخد كورتيزون بسبب أزمة منتصف العمر

تحدث الفنان كريم فهمي عن أسرار في حياته الشخصية، كما  كشف إنه عمل بأكثر من 10 وظائف قبل دخوله المجال الفني بسنوات.

تحيا مصر يرصد لكم تصريحات كريم فهمي

وقال كريم فهمي خلال استضافته في برنامج أنا والقناع والذي تقدمه الإعلامية منى عبد الوهاب ويعرض عبر قناة الحياة: اشتغلت في الثانوية العامة مساعد لمدرس إنجليزي عشان أصرف على نفسي، واشتغلت في شركة صغيرة ومستوصفات في أرياف وقرى كثيرة، واشتغلت كمنظم حفلات وموديل إعلانات بس مكانتش ناجحة.

وأضاف: أفتكر موقف محرج، وكنت رفيع جدا في أول العشرينات ومنتج قالي لو ظبط جسمك هتبقى من أهم الموديلز، وكلمني عشان أصور إعلان وفوجئت إنهم حطوا حد تاني قدامي ومكنتش ظاهر إطلاقا.

وحكى موقفا آخر عندما كان في بداياته إذ دخل لإحدى تجارب الإعلانات ونظر له المخرج باستهزاء، وطلبوا منه المغادرة ثم مرت السنوات وفوجئت باتصال من نفس المخرج يطلب مني العمل معه، موضحًا: مرت السنين وهو لا يذكرني أصلا لكننا لم نعمل مع بعض لأنه مش ذوقي.

كريم فهمي: عندي مشكل كبيرة في القولون

كما تحدث كريم فهمي عن الضغوط التي يتعرض لها بسبب عمله كفنان وأوضح: أنا من الناس القليلة اللي بيشتغل على معظم الأفلام اللي بكتبها وقلبي بيكون على الحاجة والشغلانة، وكل تفصيلة بحاول أبقى عيني عليها، وبشتغل بقلب، وبيكون قلبي على الحاجة ودا عامل لي مشاكل كبيرة في الجلطات والقولون.

كريم فهمي: قعدت سنة كاملة آخد كورتيزون بسبب أزمة منتصف العمر

وتابع: عندي قرح في القولون بسبب الضغوطات الكبيرة، وقعدت سنة كاملة آخد كورتيزون بسبب أزمة منتصف العمر، لكن أوقات بتعامل مع ناس عايزة تخلص الشغلانة وخلاص، وأنا مش بتاع دا.

تصريحات كريم فهمي

وفي اللقاء ذاته تحدث كريم فهمي عن بناته وقال: ول الوقت بقول إني لا أتحمل عليهم أي شيء، وأوقات بيدفعوني كمصدر قوة إني لازم أشتغل وأجتهد عشان آخد فلوس وأقدر أصرف عليهم، و دايما بتعامل مع بناتي بقناع الدلع، ومش عايز أحسسهم بأي مشاكل حتى لو فيه مشاكل بين أي أب وأم مش لازم أحسسهم بحاجة زي أي بيت، وأهم حاجة إنهم غيروا في حياتي كتير.