شادي شامل: أنا مش ربنا ولا بحكم على حد بس عيب تكون شحط وتفطر في نهار رمضان

أثار الفنان شادي شامل الجدل في الساعات القليلة الماضية بعد انتقاده للفطارين في نهار رمضان، ليقابل حملة هجوم مريعة من قبل رواد السوشيال ميديا.

تحيا مصر يرصد في ذلك التقرير سبب الهجوم على شادي شامل

شادي شامل: المسيحين بيصوموا معانا عيب

وكتب شادي شامل عبر حسابها الرسمي بموقع التواصل الإجتماعي “فيسبوك”: “عيب لما تكون راجل شحط وست شحطة تفطروا في نهار رمضان عن عمد بدون أسباب مرضية والله ده أنا أعرف أخوه مسيحين بيصوموا معانا عيب يا حبيبي عيب يا حبيتي انا مش ربنا و لا بحكم على حد بس مش عيني عينك كده”.

منى عبد الوهاب تهاجم شادي شامل

من جانبه، هاجمته الإعلامية منى عبد الوهاب وكتبت معلقة على منشوره: “مدير شؤون الصائمين و رئيس الرقابة على أسباب المفطرين، الرئيس المعين من الله على شؤون خلقه بيقولكوا عيب! بس هو مش شايف إنه لما يحشر نفسه بين طاعة العبد و ربه إن دا عيب، ولا شايف إن التدخل في شؤون الله مع خلقه إساءة أدب مع الله و لا إنها أكتر من عيب.. يا ريت نطلع لكل مواطن رخصة إنه يقدر يوقف مواطن آخر يسأله عن أسباب إفطاره و إن كانت أسباب غير جائزة شرعاً يدخله النار و يخلصنا بقى من الأشرار دول. المصيبة إنه مسمي نفسه فنان! فيجي مواطن آخر يعلي عليه و يقوله الفن أصلاً حرام”.

شادي شامل لـ منى عبد الوهاب: فهمك ضيق وبتفسري على مزاجك

ليرد عليها شادي شامل، قائلا: “اهدي يا مني كده و صلي علي النبي رمضان كريم وبلاش تاخدي بونت علي حسابي مع إنك اسائتيلي بطريقة مش راقية خليكي شيك لمًا تيجي تختلفي بس مش مشكلة والظاهر انك فسرتي الپوست علي مزاجك او منظورك لفهم الپوست كان ضيق او مفهينتيش القصد و بعدين أنا قولت أنا مش ربنا فبلاش ونبي تعملي من الحبة قبة انا كل إللي قلته عيب و دي مفيهاش اساءه ادب و لا قولت حرام و لا حلال و بعدين انا مش مسمي نفسي فنان هو أنا فنان فعلا و على العموم أنا مش هرد الاساءة بـ اساءة شكرًا على ادبك و ذوقك و احترامك يا استاذه مني”.