يسرا اللوزي: موافقة أعمل مشاهد حميمية وبقول لأبويا إني مستاهلش ابقى بنته

تحدثت الفنانة يسرا اللوزي عن مرض ابنتها، كما كشفت كواليس العملية التي خضت لها ابنتها، وتحدثت يسرا عن والدها الراحل ووجهت له رسالة.

تحيا مصر يرصد لكم تصريحات يسرا اللوزي

وقالت يسرا اللوزي خلال لقائها في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس:  بنتي مش عندها عصب سمعي ومكنتش حابة تعمل العملية وبدأت اعلمها لغة الاشارة، والعملية كانت صعبة جدًا ودقيقة جدًا وكنت مترددة أن هي تعملها، ولغاية ما بنتي دخلت العمليات مكنتش متأكدة من القرار اللي خدته وجوزي اللي شجعني.

يسرا اللوزي: وقت عملية بنتي فضلت أكل كتير عشان أقلل من التوتر

 وأضافت: بنتي بطلة لأنها عملت عملية في جزع المخ والعملية خدت 7  ساعات، وأنا كنت بكدب نفسي في اللي بيحصل وطلعت خدت دش ونمت وقت العملية، وطلبت أكل كتير أوي أنا وجوزي وقت العملية وفضلت أكل من كتر التوتر والقلق.

كما تحدثت يسرا عن قضايا المرأة التي تناقش في الأعمال الدرامية وقالت: قضايا المرأة واخدة حقها مؤخرًا ولازم نشتغل على حتة تحقيق الذات وكل انثى ليها الحق تحقق حلمها وجوزها ميدخلش في قراراتها ونفسي الرجالة يفهموا الموضوع ده.

يسرا اللوزي: موافقة أعمل مشاهد حميمية

وكشفت يسرا اللوزي عن رأيها في المشاهد الجريئة وقالت:  بستغرب أن بنعتبر القتل والنصب عادي ومشهد اتنين بيحبوا بعض غلط.

وأضافت:  الأغراء مش بالبوسة ولا اللبس هو مجرد أداء، وممكن واحدة تكون لابسة بيكيني ومش بتعمل إغراء.

وتابعت: وأوافق إني اعمل مشاهد حميمية وأنا ضد أن يبقى في رقابة على هذا النوع من الأعمال الفنية، بس الناس بتهاجم جدا لو عملت حاجة زي دي، ومش عايزة حد يسخف عليهم ويتنمر عليهم ومش هوافق بكده.

يسرا اللوزي: بقول لأبويا إني مستاهلش ابقى بنته

وتحدثت يسرا اللوزي عن والدها الراحل وقالت: أنا ملحقتش اودعه وهو مات فاجأة ومكنش تعبان ولا عنده أي حاجة غير دور برد، ولو ينفع أقوله حاجة هقوله  إني مستاهلش ابقى بنته لأنه من أكتر الناس المثقفة وعنده ضمير في شغله، وهو مات وهو قلقان عليا جدًا ومضايقة بسبب كده.