أنا صحتي يا ابني متستحملش.. رد فعل نهال عنبر على مقلب رامز نيفر إند

اعتدت الفنانة نهال عنبر ونجلها المخرج حسام الحسيني بالضرب على الفنان رامز جلال بعد اكتشافهما مقلبه وقالت عنبر: أنا صحتي يا ابني متستحملش. 

تحيا مصر يرصد رد فعل نهال عنبر وابنها حسام على مقلب رامز جلال. 

تصريحات نهال عنبر عن ابنها حسام الحسيني

على الصعيد الآخر، قالت الفنانة نهال عنبر إنها كانت حريصة على زواج ابنها المخرج حسام الحسينى وهو فى سن صغيرة حتى تفرح بزواجه وأولاده وتريد أولاد كثيرين لأن حسام هو ابنها وحيد

وأضافت خلال لقائها مع الإعلامى دكتور عمرو الليثى ببرنامجه واحد من الناس على قناة الحياة: أنا هتجنن على العزوة وأنا جوزت حسام 22 سنة، وأهلى اعترضوا عليا كيف تزوجيه وهو لسه صغير، ولكنى أصريت على زواجه.

زواج نهال عنبر في سن صغير 

وتابعت نهال: أنا ايضا تزوجت فى سن صغير 18 سنة وهذا جعل هناك علاقة أمومة وصداقة بينى وبين حسام، لأن الفرق بينى وبينه مش كبير، وانا كنت الأب والأم لحسام لأن والده كان على طول الوقت مسافر فى شغله، وانا كنت حنينه جدا وشديدة فى نفس الوقت لكن مش قاسية.

سبب مقاطعة نهال عنبر لنجلها

و كشفت عن سر لأول مرة قائلة إنها خاصمت ابنها حسام 60 يوما علشان رد عليها فى الكلام، متابعة: كان عاوز يروح ديسكو وهو فى سن شباب، وأنا كنت بخاف من الحاجات دى فقلت له مش هتروح ولو عاوز تروح هروح معاك، فقال لى ازاى انا كبرت فقولت له مش هتروح فقال لى حرام عليكى بقى، فشاهدنى وانا بوطى امسك سبت الزبالة علشان احدفه بيه فجرى منى، فقلت له امامك شهرين لا انا امك ولا تعرفنى، واحفادى طالعين شخصيتهم قوية مثلى، وانا اخدت ده من ماما لانها كانت من أصول شركسية.