أمينة شلباية تطلب عريس على الهواء: مبكرهش الرجالة وعايزة أتجوز

حلت خبيرة الاتيكيت والموضة أمينة شلباية ضيفة على برنامج رامز نيفر إند الذي يقدمه الفنان رامز جلال عبر قناة Mbc مصر عقب صلاة المغرب.

تحيا مصر يرصد طلب أمينة شلباية الزواج على الهواء. 

وطلب منها رامز جلال أن تطلب عريس على الهواء فقالت: مبكرهش الرجالة وعايزة اتجوز.

أمينة شلباية تكشف موقفها من الانتقادات

على الصعيد الآخر، كشفت أمينة شلباية عن موقفها من الانتقادات التي تتعرض لها قائلة: مبيزعلونيش خالص ولا بيتهزلي شعرة أبدًا، بالعكس دمهم خفيف جدًا وأنا كمان بتفرج عليهم، وفي فيديوهات كتيرة بتضحكني.. والفكرة إن دي حاجة مش أنا اللي كتباها دي مادة بتدرس وهو ده الإتيكيت، بالعكس فرحت إن أنا أثرت في الناس، سواء الناس اللي قاعدة بتتريق أو الناس اللي عايزة تتعلم، ولما الفيديوهات دي بتتنشر يمكن في ناس مش لاقياني على السوشيال ميديا أو ناس يمكن متعرفنيش أصلًا هتبدأ تتابعني”.

وتابعت: ودن القطة اللي بتاكلوا بيها العيش بالملوخية ده تعملوه في بيتكم مش مع ناس، والاكل بالشوكة ممتعه وطعمه بيبقى احلى.

وأضافت: جاتلي فكرة في رمضان اللي فات إن أبدأ في فيديوهات الاكل على السوشيال ميديا.. ومن اول فيديو عملوا قلق.. ودي مش ترجيحاتي للأمر دا علم وانا اتربيت في البيت إني أكل الرز بالشوكة والسكينة مش بالمعلقة..المعلقة للشربة فقط.

تصريحات نارية لأمينة شلباية 

وفجرت عدة تصريحات قائلة: أنا لو مخطوبة لشخص بيتكرع قدامي ومش بيغسل ايديه  هسيبه ومش هفكر مرتين، توقفت عن تقديم البراماج بعد ما أضطريت أمسك كريم متأكدة إنه مسيء للناس وأتكلم عليه كويس وكان ممكن أفقد ثقة الناس بعد العمر ده.

وأردفت: حلقة الكبسولة الذكية فجرتني، وحسيت إن الفلوس اللي بكسبها حرام وبشارك في تضليل الناس، لو جوزي مش بيغسل سنانه ومخلفتش منه همشي، وأصلا مكنتش هتجوزه من البداية لكن لو عندي عيال ومضطرة استمر في الزواج، أنا هغسل له سنانه بنفسي.. لو عايز تربي دقنك ومكسل تحلقها هذبها، لكن عدم غسل الأسنان غير مقبول.