زوجة: كان مفهمنى أنه بيفطر فى رمضان مع زمايله وطلع عند عشيقته

طبخت لجوزى وروحتله الشغل عشان أعمله مفاجأة وطلع مش بيروح بقاله أسبوع ... بتلك الكلمات روت زوجة لتحيا مصر من داخل محكمة الأسرة عن زوجها الذى أوهمها بأنه يذهب لعمله يومياً ليشاء القدر وتكتشف أنه لم يذهب منذ أسبوع وحين راقبته وراقبت هاتفه أكتشفت أنه على علاقة بسيدة أخرى ويقضى معها أغلب الأوقات .

قتلوه وقطعوا الجثة.. الشياطين الأربعة عرفوا علاقة العامل وأختهم خلصوا عليه

إغتصبها قدام أبوها.. مأساة قاصر الجيزة مع دجال الآثار

كان مفهمنى أنه متبهدل فى الشغل وكنت بدعيله 

بدأت الزوجة حديثها لتحيا مصر :" أنا وجوزى متجوزين من 11 سنة وعندنا 3 بنات جوزى كان شغال فى شركة مقاولات وسابها وراح بعدها يشتغل مقاول فى شركة صغيرة لسة بتبدأ ومقرها موجود فى شقة فى عمارة فى نفس المنطقة اللى قاعدين فيها ومن يوم ما اتجوزته وهو دايماً مفهمنى أنه بيتعب وبيشقي فى الشغل وكان بيرجع البيت أوقات كتير الاحظ أنه واكل ومش جعان ويادوب بيدخل ينام على طول وحتى مش بيقعد معانا ولا مع بناته وكان دايماً وهو نازل بيطلب منى ومن والدته أننا ندعيله ان ربنا يوفقه ويكرمه ".

روحت عملت مفاجأة لجوزى فى شغله

وتابعت الزوجة حديثها :" جوزى من وقت ما رمضان بدأ وهو مش بيفطر معانا وكان بيقولنا أنه عنده ضغط شغل و هيفطر مع زمايله طول الشهر بس أنا فى تالت يوم رمضان حبيت أعمل لجوزى مفاجأة وبدل ما هو بيفطر مع زمايله  وبعيد عننا قولت أفرحه و أعمله أنا الفطار بنفسى وأوديهوله هناك وبالفعل عملت كدة بس لما روحت سألت عليه قالولى أنه مجاش الشغل بقاله أسبوع وواخد أجازة عشان مسافر وقفت مصدومة ومكنتش عارفة أرد وأقولهم أية ؟ خدت بعضى ومشيت وقررت أنى معرفش جوزى أنى روحت سألت عليه وأستنيته لما رجع البيت بليل ولقيته مكمل فى كدبه وبيقولى أنه تعب جدأ فى الشغل وفطر مع زمايله هناك طلبت منه تليفونه أعمل منه مكالمة وشوفت عليه اللى صدمنى وكسر قلبى ".

طلع بيفطر عند عشيقته 

وأختتمت الزوجة حديثها :"   لما فتحت الواتس اب عند جوزى لقيت واحدة أسمها مروة باعتاله رسالة وبتقوله " رمضان مكنش هيبقى له طعم من غيرك ومتتأخرش عليا بكرا " روحت وريت لجوزى الرسالة دى وأنا ببكى ومنهارة وبسأله أية ده ؟ وعرفته كمان انى روحتله الشغل وعرفت انه مبيروحش راح أرتبك وكان متوتر بس حاول يدارى ده ورد عليا وقالى " واحدة وهتجوزها والشرع محللهالى " قولتله انه عنده حق وسيبتله البيت وخدت بناتى ومشيت وجيت المحكمة أرفع عليه دعوى خلع عشان ده مش بس راجل خاين لا ده كمان بيعرف يكدب وبألف قصص ويعيشنى فيها ربنا ينتقم منه بحق قهرة قلبى بسببه ".