الراجل الخاين ميتعايبش ومش قادرة ألبس فستان فرح.. أبرز تصريحات منة فضالي

فجرت الفنانة منة فضالي مجموعة تصرحيات جريئة خلال حلولها ضيفة على برنامج VIP”، الذي تقدمه الإعلامية أميرة بدر على شاشة قناة هي، وكانت تلك التصريحات خاصة بحياتها الشخصية بشكل كبير، ويرصد تحيا مصر أبرزها خلال تلك السطور.

أبرز تصريحات منة فضالي مع أميرة بدر

• مش قادرة البس فستان فرح من كتر الفاستين اللي لبستها وبفكر اما اجي اتجوز البس بدلة سموكي.
• محتاجة راجل بجد يعرف منة كويس ويحب أمي.
• مفيش ست مش ضعيفة مهما كانت قوتها.
• المنتج وائل عبدالله كنت بحبه جدا وهو كان حب حياتي.
• نفسي ابقى أم  ومعتبرة الكلاب ولادي عشان معنديش ولاد.
• الراجل الخاين ميتعايبش واللي يعيبه جيبه ولازم جيبه يبقى مليان عشان أجيب اللي انا عايزه.
• ارتبط بواحد مكنش معاه 3 الاف جنيه وصرفت عليه فلوس كتير.
• بحترم الراجل وبحبه ومش ضده أنا معاه ودايما بشوف من الراجل اما يجي يبص على واحدة تانية بيبقى العيب من الست.
• أول مرة حبيت فيها كنت ببعت جوابات للمدرس بتاعي  وكنت في ابتدائي واتعاقبت وطردوني من المدرسة.
• أمي تعبت جدا معايا وكانت ست مكافحة جدا  وشقت عشان متحرمنيش من حاجة أنا من غيرها ولا حاجة عملتلي كل حاجة في الدنيا ومهما أعملها مش هيكفيها تمن اللي هي عملته.
• أمي فقدت بصرها من كام سنة جلها جلطة في عين وعلمت كذا عملية وبتشوف بعين واحدة، وبحزن عليها وبعمل أي حاجة عشان تكون مبسوطة.
• أول مرة أشوف بابا كان عندي 21 سنة وقت خطوبتي وكان بيرميني لخطيبي وقال لماما طالما بتحبه وهو بيحبها خلينا نخلص.
• عندي إخوات من بابا فيه 2 فيهم معرفهمش من أم تالتة ولا أعرف شكلهم عامل ازاي.
• طول الوقت في علاقاتي كنت بدور على الأب، وممكن أكون كنت في سن صغير مرتبطة بناس كبيرة فالموضوع عملي أزمة وأزمة كبيرة.

منة فضالي تتألق في جعفر العمدة

من ناحية أخرى، تتألق الفنانة منة فضالي خلال أحداث مسلسل جعفر العمدة، والتي تجسد خلاله شخصية “نرجس”، الزوجة الثالثة لـ جعفر والذي يجسده الفنان محمد رمضان، ويعرض على قناة dmc وDmc دراما، ومنصتي شاهد وواتش ات الرقمية، وتحدثت منة فضالي عن مشاركتها في العمل، فقالت: “شكرًا على كل تعلقاته ودعموا ليا وكل أبطال العمل، و أنا والله العظيم كنت خايفة جدًا من الدور ده لأنه كوميدي وأنا أول مرة في حياتي أعمل دور كوميدي وكمان الدور صعب جدًا، ولسه في شغل مهم واحنا كلنا تعبانين فيه وعاملين مجهود وبالأخص أستاذ محمد سامي ومحمد رمضان".