منة فضالي عن والدها: شوفته أول مرة وأنا عندي 21 سنة وعمري ما حسيت انه بيحبني

تحدثت الفنانة منة فضالي لأول مرة عن علاقتها بوالدها الذي تركها وهي عمرها شهرين، وذلك خلال لقائها ببرنامج VIP”، الذي تقدمه الإعلامية أميرة بدر على شاشة قناة هي.

تحيا مصر يرصد في ذلك التقرير تصريحات منة فضالي عن والدها

منة فضالي: بابا سابني وأنا عندي شهرين ومعرفش اي السبب

قالت منة فضالي خلال البرنامج متحدثة عن فترة طفولتها: “عدم وجود كان بابا بيأثر عليا جدا، بس ماما كانت مالية الفراغات دي كلها طول الوقت كانت شاغلة دماغي ومش بقعد في البيت لواحدي، وأما كنت بسأل على ماما كانت بتقولي مسافر أو شغله برة، وكنت بتضايق ان بابا مش معايا في حفلات المدرسة”.

وتابعت: “البنت محتاجة سند وحضن تحس بيه بالأمان وأما يكون عندها مشكلة في المدرسة تلجأ للأب مش للأم، وأنا كنت بلجأ لجدي، وكنت بفتقر ده جدا وأي واحدة في سني كانت بتكون عايزة باباها وكنا بنتكلم كل فين وفين وكنت بتضايق ومكنتش عارفة إنهم منفصلين، سابني وأنا عندي شهرين ومعرفش ليه عمل كدة ونفسي اعرف".

منة فضالي: طول الوقت كنت بدور في علاقاتي على الأب

وأضافت: أمي  أول زوجة وقعدوا مع بعض 13 سنة وكانوا بيحبوا بعض جدا ولسة العلاقة بينهم فيه احترام ومتقطعتش بحاجة وحشة، في البداية كان الموضوع بالنسبالي كره في الأول وتعبت نفسيا واتعلمت إن أنا أبقى قوية ومرتبطش بحد بس كنت طول الوقت في علاقاتي كنت بدور على الأب، وممكن أكون كنت في سن صغير مرتبطة بناس كبيرة الموضوع عملي أزمة وأزمة كبيرة".

منة فضالي: في أول مرة أتخطب فيها أبويا كان بيرميني وبيقول عايزين نخلص منها

واستكملت: كنت بتخطب لأول مرة وحسيته بيرميني وكنت بحبه وهو بيحبني اوي كان عندي 21 سنة وأول مرة أشوف بابا وهو راح يخطبني منه وكانوا بيتكلموا في تفاصيل الجواز قالي خدوها مش عايز منكم حاجة واحنا بنشتري راجل واتجوزوا بسرعة وقال لماما طالما بتحبه وهو بيحبها خلينا نخلص.

واختتمت حديثها عن خسارتها له، فقالت: “أنا مخسرتش لأن كان ورايا ست بميت راجل أمي تعبت جدا معايا وكانت ست مكافحة جدا وبتتعب وبشتقى عشان تكبرني ومتحرمنيش من حاجة، مكنتش بشوفها خالص وكانت بتشتغل كتير، بابا ناسي عيد ميلادي، وعمري ما حسيت انه عنده مشاعر تجاهي عمري ما حسيت انه بيحبني ابدا مع اني حاولت أقرب منه بس هو مساعدتنيش وكان بعيد طول الوقت يمكن عشان انا متربتش معاه ولا تعب عليا”.

منة فضالي عن والدتها: فقدت بصرها من كام سنة وأنا من غيرها ولا حاجة

وتطرقت منة فضالي بالحديث عن والدتها فقالت: “بحترم أبويا بس مش زي أمي، أنا من غيرها ولا حاجة عملتلي كل حاجة في الدنيا ومهما أعملها مش هيكفيها تمن اللي هي عملته، أمي فقدت بصرها من كام سنة جلها جلطة في عين وعلمت كذا عملية وبتشوف بعين وعين واحدة وأنا بالنسبالها دلوقتي أنا أمها مش هي وحاسة إن هي اللي بنتي وبحزن عليها ونفسي انها تكون أحسن حد في الدنيا وبحاول اسعدها على قد ما بقدر وضحت بحياتها كتير عشاني”.