لوسي: ابني بيحترم شغلي.. وفي مرة قالي أبقي هزي كويس

كشفت الفنانة لوسي عن علاقتها بنجلها فتحي، وموقفه من مهنتها في الرقص، وذلك خلال حوارها اليوم ببرنامج العرافة مع الإعلامية بسمة وهبة.

تحيا مصر يرصد تفاصيل تصريحات لوسي في العرافة

لوسي ونجلها فتحي

حيث قالت لوسي: فتحي كان صغير وبيقولي هزي كويس يعني اشتغلي بذمة، وهو بيدعمني وبيلعب مزيكا، وطالما فكرتي تجيبي طفل يا تربيه كويس يا متجبيش أطفال، وربيته أنا وجوزي راجل معاه بكالوريوس هندسة ميكانيكا.

وتابعت: وهو بيحترم شغلي جدا وبيقدره جدا، وبروح أعياد ميلاد صحابه وأرقص، وكل صحابه صبيان وبنات أنا صاحبة العيلة عشان بيحبوا يتعرفوا عليا، وبيقولولي احنا فخورين أن دا ابنك، وفي حفلة من حفلاتي قالي لما تيجي ترقصي المرة اللي جاية أبقي هزي كويس وأنا فخورة بدا.

لوسي والرقص

وفي وقت سابق، دافعت الفنانة لوسي عن مهنتها بالرقص، وكشفت عن السبب وراء عملها كراقصة في سن صغير، وقالت لوسي: أنا مش بعمل بجاحة انا بعمل فن، بلدي معترفة بيه، ومرسوم على جدران القدماء المصريين، ونصيبي أني أبقى رقاصة وأكل من الرقص، أنا حابة الفن واشتغلت في الافراح وأنا عندي ١١ سنة.

وتابعت: وأنا مندمتش عشان معملتش حاجة غلط، أنا عملت حاجة العالم كله بيحبها وبيقدرها، اشتغلت في سن صغير عشان كان عندي ظروف وسيبت المدرسة عشان أجيب أكل لأسرتي، بس ربنا أداني تمن حلو الناس بتحبني وبحب الفن.

فيفي عبده: اللي في جمالي تفعل افعالي

وعلى الصعيد الآخر، احتفلت الفنانة فيفي عبده بعيد ميلاد صديقتها الفنانة لوسي، ووجهت لها رسالة تهنئة، عبر حسابها الرسمي بموقع تبادل الصور والفيديوهات انستجرام.

ونشرت فيفي عبده فيديو يجمعها بـ لوسي، وعلقت: انا وحبيبة قلبي لوسي كل سنة وأنتي طيبة وعقبال مليون سنة، اتبسطنا أوي اليوم ده ماهو مش كل قط يتقاله يا مشمش، واللي في جمالي تفعل افعالي واللي مش عاجبها من شعرها اجبها.