لوسي: هند بنت الأحمر موجودة في الحقيقة وبتلازمني تحت الأرض

روت الفنانة لوسي مواقف مرعبة حدثت لها أثناء تصوير مشاهدها في مسلسل المداح 3، وذلك خلال حوارها اليوم ببرنامج العرافة مع الإعلامية بسمة وهبة.

تحيا مصر يرصد تفاصيل تصريحات لوسي في العرافة

لوسي وهند بنت الأحمر

حيث قالت لوسي: روحنا نصور في الفيوم وقولت هلبس لبس الجنية في فيلا صابر، وقبل ما أخش على اللوكيشين بدقائق لقيت المخرج المنفذ بيقولي أرجعي عشان فيه عاصفة فقولتله مفيش حاجة في الطريق.

وتابعت: ودخلت في ممر كبير وفيه شجر دخلت الريسبشن رموشي بقت تتحرك من الهوا.. الشخصية اللي أنا بعملها عاملة لعب معايا وهي حقيقية.. هند بنت الأحمر موجودة وبتلازمني تحت الأرض.

مواقف لوسي في المداح 3

وأضافت: فيه جنية طيبة ومؤمنة ومسالمة وفيه جن شرير فعشان أعمل الدور دا لازم أعرف شكلهم ايه.. وشيء صعب أنك تشخصي حاجة زي دي.. وبحس بحاجات غريبة بس بقرأ قرآن وبصلي والحاجات دي بتخليهم محلك سر وبيبعتولي حد يخضني.

واستكملت: كنت بصور في المداح 3 وأنا ورحاب الماكيرة بتاعتي كنا قاعدين في الأوضة بنتفرج على التلفزيون وفجأة أطفى لوحده.

أزمة لوسي في مسرحية الحفيد

وفي وقت سابق، تحدثت الفنانة لوسي عن تفاصيل أزمتها الأخيرة في مسرحية الحفيد، وذلك خلال حوارها أمس ببرنامج العرافة مع الإعلامية بسمة وهبة.

حيث قالت لوسي: حصل خروج عن النص، فيه حاجة اسمها الكيو، ولازم حد بعينه يستناني أقول جملة واحيانا مش بيديني فرصة اقولها.. لما الجمهور يتبسط بحاجة حد من الجداد يجددها، فاحنا مش محتاجين زيادات عندنا نص وحوار حلوين اوي، والبنات اللي معانا نقيتهم عشان شاطرين، فكان بيصعب عليا نعمل اي حاجة تبوظ دا.

وتابعت: لما لقيت استاذ ايهاب بيبعتلهم متقولوش والتزموا بالمواعيد.. يلتزموا يومين وتلاتة وبعد كدا لا، عملت ٤٠ يوم عرض ونجحوا وصفوة الجمهور كانوا بيحضروا، وكل اللي معايا شباب جديدة وكنت مبسوطة بيهم، وانا بخش على خشبة عمري ما بعرف مين موجودين في المسرح.

وجدير بالذكر أن الدكتور أشرف زكي، نقيب المهن التمثيلية، طرح مبادرة للم الشمل، بعد الأزمة التي وقعت بين الفنانة لوسي وباقي أبطال مسرحية الحفيد.