لو قولت حاجة ربنا اللي هيحاسبني.. لوسي تعلق على أزمتها الأخيرة في مسرحية الحفيد

تحدثت الفنانة لوسي عن تفاصيل أزمتها الأخيرة في مسرحية الحفيد، وذلك خلال حوارها اليوم ببرنامج العرافة مع الإعلامية بسمة وهبة.

تحيا مصر يرصد تفاصيل تصريحات في العرافة

أزمة لوسي في مسرحية الحفيد

حيث قالت لوسي: حصل خروج عن النص، فيه حاجة اسمها الكيو، ولازم حد بعينه يستناني أقول جملة واحيانا مش بيديني فرصة اقولها.. لما الجمهور يتبسط بحاجة حد من الجداد يجددها، فاحنا مش محتاجين زيادات عندنا نص وحوار حلوين اوي، والبنات اللي معانا نقيتهم عشان شاطرين، فكان بيصعب عليا نعمل اي حاجة تبوظ دا.

وتابعت: لما لقيت استاذ ايهاب بيبعتلهم متقولوش والتزموا بالمواعيد.. يلتزموا يومين وتلاتة وبعد كدا لا، عملت ٤٠ يوم عرض ونجحوا وصفوة الجمهور كانوا بيحضروا، وكل اللي معايا شباب جديدة وكنت مبسوطة بيهم، وانا بخش على خشبة عمري ما بعرف مين موجودين في المسرح.

لوسي: معرفش مين ندى عفيفي

وحرصت لوسي الرد على اتهامات الفنانة الشابة ندى عفيفي لها بالضرب، فقالت: أنا معرفش مين ندى عفيفي، ولا يمكن أسيب العرض وأمشي، أنا كلمت وزيرة الثقافة وقالتلي ابعتيلي شكوى في ايدي والشكوى راحت النيابة الإدارية، وحققوا معاهم ومشوفتش ايه اللي حصل، وقالوا مفيش حاجة بينا وبين مدام لوسي واحنا بنحبها اوي وبنكن ليها كل الاحترام.

وأضافت: أنا بقالي ٣٠ سنة في المهنة، وأسألي أشرف زكي هل حصل مع لوسي أي مشكلة.. وانا لو قولت حاجة ربنا اللي هيحاسبني، واللي بيقولي حاجة غلط بسيب ربنا اللي يتصرف.

تعليق أشرف زكي على أزمة مسرحية الحفيد 

وفي وقت سابق، طرح الدكتور أشرف زكي، نقيب المهن التمثيلية، مبادرة للم الشمل، بعد الأزمة التي وقعت بين الفنانة لوسي وباقي أبطال مسرحية الحفيد.

وقال زكي خلال مداخلة هاتفية مع الإعلامية عزة مصطفى ببرنامج صالة التحرير المذاع على قناة صدى البلد: لوسي نجمة كبيرة و تقديم المبادرة يأتي من أجل الفن المصري والشرقي ومن أجل مصر.

و أشار زكي إلى أنه سيبدأ التواصل مع أطراف الأزمة تمهيدًا لحلها خلال ساعات، مقدمًا اعتذاره لكل الأطراف.