شيخ العرافين يكشف سر زواج ثاني لـ حسن شاكوش.. والفنان: مش هسيبه

توعد مطرب المهرجانات الشعبية حسن شاكوش لشيخ العرافين ببرنامج العرافة مع الإعلامية بسمة وهبة، والذي يعرض عبر شاشة قناة النهار. 

تحيا مصر يرصد لكم تصريحات حسن شاكوش

شيخ العرافين لـ زوجة شاكوش: حسن متجوز

وقال حسن شاكوش عن شيخ العرافين: والله لو في حاجة من اللي دماغي طلعت ما هسيبه، أنا لا حبيبك ولا عايز اعرفك. 

وبعدها أصر شيخ العرافين على حضور ريم زوجة شاكوش لخبرها بأنه متزوج من أخرى، قائلًا: مين اللي جابله السلسلة اللي لابسها، طيب وفيلا التجمع والعربية، والكلب الدهب مين اللي جايبهولك.. حسن متجوز. 

فقالت ريم زوجة شاكوش بعد حديثها مع شيخ العرافين: خلاص يا جماعة موضوعي انتهى، مشيرة لإنهاء زواجها من حسن. 

ريم زوجة شاكوش وسجدة الشكر بزفافها

وقالت ريم زوجة شاكوش: اللي معاه ربنا مش بيشغله حد ومعرفش يعني ايه تريند.

وتابعت: الحكاية إن وقعت في دروب قبلها بفترة بقيت اصلي قيام الليل واقول يا رب انجدني وفجأة لاقيت مامتي بتكلمني بتقولي حسن اتقدم، وكل اللي كان في دماغي ان أنا اسجد وكويس اني مسجدتش قدامه عشان هشيله ذنب ولا اهلي ولا اهل حد يعرف ومركزتش مع حد.

رضوى الشربيني تعلق على سجود زوجة حسن شاكوش في الفرح

وكانت قد حرصت المذيعة رضوى الشربيني التعليق على سجود زوجة حسن شاكوش في حفل زفافهما، الذي أقيم خلال الأيام الماضية بأحد الفنادق الكبرى في القاهرة، بحضور عدد كبير من نجوم ونجمات الوسط الفني.

حيث قالت رضوى خلال حلقتها اليوم ببرنامج هي وبس: حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده.

وتابعت الإعلامية الشربيني: ازاي واحدة هانم، ست، ليدي تنزل على ركبها ومن ركبها على الأرض وقدام الناس وبفستان الفرح !! ميصحش كده وبنبهكوا عشان الموضوع ميبقاش تريند ونلاقي كل واحدة نزله تسجد للمتجوزاه.. أنا أسجد لربنا على جوزي في أوضة نومي مش وسط الناس كلها.