فتحي عبد الوهاب: صعب إحساس الغرور يتولد من الفن.. وأحمد زكي مش هيتكرر

نفى الفنان فتحي عبد الوهاب كل ما تردد حول إصابته بالغرور في بداية نجاحه الفني، وذلك خلال حواره اليوم ببرنامج حبر سري مع الإعلامية أسما إبراهيم على شاشة تلفزيون قناة القاهرة والناس.

تحيا مصر يرصد تفاصيل تصريحات فتحي عبد الوهاب في حبر سري

حيث قال عبد الوهاب: أنا موصلتش لأي حاجة دلوقتي، صعب إحساس الغرور يتولد من خلال الفن، طول ما انا بتفرج وبسمع كمستقبل لأي حاجة فنية أنا بتعلم، أنا راجل مشخصاتي وبحب الشغلانة بتاعتي.

رأي فتحي عبد الوهاب في أحمد زكي

وفي الحلقة ذاتها، تطرق فتحي عبد للحديث عن النجم فتحي عبد الوهاب، حيث قال: بشوف أن بالإضافة إلى أمور كتيرة جدا بتميز أحمد زكي بس كانت فيه حاجة عنده ميزته جدا.. كان فرد من أي أفراد أسرة من كل الطبقات الاجتماعية، كان ابن الناس وأخوهم وأبوهم وكل العلاقات.

وعن رأيه في قيام بعض الممثلين بتقليد أحمد زكي قال: بغض النظر عن فكرة التقليد، أي فنان في الدنيا ليه بصمة بتاعته هو مش بيتكرر ومش موجودة غير عنده.

أبرز تصريحات فتحي عبد الوهاب مع أنس بوخش

وفي وقت سابق، حل الفنان فتحي عبد الوهاب ضيفًا مساء اليوم في برنامج "AB Talks" الذي يقدمه أنس بوخش عبر موقع الفيديوهات العالمي "يوتيوب" كل يوم ثلاثاء، وأثناء الحلقة تحدث فتحي عن الكثير من الأمور التي تخص حياته الفنية والشخصية أيضًا، ومن أبرز تصريحاته:

- أتمنى تكون أخر كلماتي قبل ما أموت جملة في مشهد أنا بعمله

ـ مع الوقت بيصبح التدخين جزء من شخصيتك، وبيبقى أصعب حاجة في الإقلاع عن السجاير أنك بتتخلى عن الجزء دا من شخصيتك

ـ بحب خصوصيتي طبعا لأنه مش بالضرورة أن أنت تبقى نفس الصورة الذهنية اللي في ذهن الجمهور

ـ الشهرة مش حاجة وحشة، بس أنا لازم يبقى عندي الوعي اللي يفهمني أن الشهرة دي عرض للمهنة اللي أنا بمتهنها.. هي مجرد عرض.. هي مش الهدف ومش الأمل والمنتهى

ـ أنا مكنتش عايز أبقى محترف، يعني مكنش في خطتي للمستقبل أن أنا أبقى ممثل محترف