فتحي عبد الوهاب: الناس شايفني آكل لحوم بشر.. ومش بتصدم من آرائهم

تحدث الفنان فتحي عبد الوهاب عن الصورة النمطية لدى الجمهور عنه، وذلك خلال حواره اليوم ببرنامج حبر سري مع الإعلامية أسما إبراهيم على شاشة تلفزيون قناة القاهرة والناس.

تحيا مصر يرصد تفاصيل تصريحات فتحي عبد الوهاب في حبر سري

الصورة النمطية لـ فتحي عبد الوهاب

حيث قال: آكل لحوم بشر ممكن تكون الصورة النمطية عند الجمهور ليا، وأتمنى تكون الصورة إيجابية، ودا ليه علاقة بالأدوار اللي بيعملها الفنان، وأنا مش بتصدم من آراء الناس.

وتابع: من حق الجمهور يقيمك زي ما هو عايز، وعمرك ما هتقدري توصلي لحكم الجمهور جاي منين، ومفيش ولا دور عملته قريب من شخصيتي، والسينما بقيت ذكورية بشكل كبير، يعني بتتناول مواضيع في الأغلب بتبقى مواضيع ذكورية.

فتحي عبد الوهاب يتحدث عن السعادة

وفي وقت سابق، حل الفنان فتحي عبد الوهاب مساء يوم الثلاثاء الموافق 13 من شهر سبتمبر الجاري ضيفًا في برنامج "AB Talks" الذي يقدمه أنس بوخش على موقع الفيديوهات العالمي "يوتيوب" في تمام الساعة السابعة مساءً.

وكالعادة بدأ أنس بوخش بسؤال "بصراحة كيف حالك؟"، وكان رد الفنان فتحي عبد الوهاب على السؤال: "بيجيلي أوقات ببقى ناقم من حاجة أو متوقع شيء ومش بيحصل، أو حاجة بتحصل مش زي ما أنت عايزها بالظبط بس بعد شوية أنت بتبتدي تقبل فكرة تقلب الحال فعلشان كدا الحمد لله دايما.. وأنا في الفترة دي تقدر تقول أني مقدرش أقيم أني كويس أو لا أو مضغوط ولا لا".

فتحي عبد الوهاب في برنامج AB Talks

وتطرق الفنان فتحي عبد الوهاب في الحوار إلى مفهوم السعادة بالنسبة له، حيث قال: "السعادة كانت بتيجي بأمور بسيطة جدًا دلوقتي السعادة عزيزة وغالية، ومش بالضرورة الحاجة اللي كانت بتسعدك في زمن فات أو في ذكرى أن هي تفضل تسعدك لأن أنت مبقتش نفس الشخص لأنك بكل لحظة أنت بتتغير والعالم حواليك بيتغير، بس بيفضل بردو حاجة أنت لما بتفتكرها النهاردة وهي عدى عليها سنين بتلاقي نفسك ابتسمت وبترجع لنفس الوقت دا".