حسن شاكوش: أمي عندها كانسر ولما كنت لعيب كورة مكنش معايا فلوس أجيب أكل

كشف مطرب المهجانات حسن شاكوش عن معاناته عندما كان لعيب كرة قدم، كما كشف أن والدته تعاني من مرض السرطان.

تحيا مصر يرصد لكم تصريحات حسن شاكوش

وقال حسن شاكوش في لايف عبر حسابه بموقع تبادل الصور والفيديوهات انستجرام: مش شرط قريب من ربنا أني بصلي وبس أنا بقالي فترة كبيرة مش بصلي وربنا بيحميني ويكرمني عشان كده.

حسن شاكوش: لما كنت لعيب كورة كنت بنام تحت المدرجات ومكنش معايا فلوس أجيب أكل

وتابع: أنا لما كنت لعيب كورة كنت بنام تحت المدرجات، وكنت في السويس بشرب ماية بتجيب فشل كلوي عشان مكنش معايا فلوس أشتري ماية.

وأضاف: كان معايا كوتش باته وبخيطه 100 مرة عشان مش معايا فلوس، ولما كنت بلعب كورة وعمري ما طلبت جنيه من حد، وأبويا وأمي علموني مبصش لرزق حد والشبع ده في العين.

واستكمل: أمي راضية عني وأهلي راضين عني ورضا الأم من رضا الرب ومستحيل تكون غبي مع أهلك وربنا يكرمك.

حسن شاكوش: والدتي عنها كانسر ومش بحب أتكلم في الموضوع ده

كما كشف شاكوش أن والدته تعاني من مرض السرطان وقال: والدتي عندها كانسر ومش بحب أتكلم في الموضوع ده وعمري ما اشتكيت لحد وقولت أنا موجوع أو تعبان ولما بعيط بقعد لوحدي من غير ما حد يشوفني.

حسن شاكوش: كان بيتعملي أعمال بوقف الحال والشلل وأني أموت نفسي وانتحر 

كما كشف شاكوش أنه يتعرض للاذى من قبل العديد من الأشخاص ويتعرض لأعمال السحر وقال: عمري ما فكرت أذي حد وأنا اتأذيت كتير في حياتي لدرجة أن الأذى ده يموتني.

وأضاف شاكوش:  وفي ناس كانت بتعملي أعمال بوقف الحال والشلل وأني أموت نفسي وانتحر ومفيش حد حاسس بيا.

حسن شاكوش: مستكترين الفرحة عليا واللي هيعرفي في الحقيقة هيتصدم

وتابع حسن شاكوش: ياريت اللي بيحب الخير لغيره يفرحله حتى الفرح مستكترنها عليا رغم أني بيفرح للدنيا كلها، وأنا اللي هيعرفي على الحقيقة هيتصدم عشان أنا شخصيتي مختلفة.

وكشف شاكوش: ربنا عالم بحالي ومفيش مطرب خد جنيه في فرحي وكله جه يجاملني لأننا أخوات وفي مجال واحد وكله جه بالحب.

واستكمل: أحمد عصام عامل معايا واجب وواخد فلوس رمزية في فرحي عشان يجاملني.