حسن شاكوش: بيتعملي أعمال بوقف الحال والشلل والناس مستكترة عليا الفرحة

كشف مطرب المهرجانات حسن شاكوش أن فرحه لم يتكلف 4 مليون جنيه، ولكن حدث سوء تفاهم، كما كشف شاكوش أنه يتعرض لأعمال السحر والشعوذة.

تحيا مصر يرصد لكم تصريحات حسن شاكوش

وقال حسن شاكوش في لايف عبر حساب بموقع تبادل الصور والفيديوهات انستجرام: أنا كنت في البرنامج بتكلم على فرحي أنا مصرفتش على الفرح بس أنا بتكلم أي عريس وعروسة بيتكلفوا تكلفة ومصاريف من أول الجواز وده اللي اقصده تجهيز بيت وعفش في ناس قالت 4 مليون جنيه جبتهم منهم.

وتابع: في أفراح بس بتتكلف ملايين غير البيت والعفش أنما أنا الفرح كله ببيتي وعفشي بالدهب بسفرية لشرم الشيخ اتكلف 400 مليون.

واستكمل شاكوش: في شباب كتير مش شغالة ومش معاها فلوس تتجوز ولو شاب بسيط وعايز يتجوز ويجب شقة وعفش ودهب أقل حاجة 600 ألف جنية عشان الدنيا غلت على الكل وفي العالم كله.

وأوضح شاكوش: أنا كمطرب لو فيا هموم الدنيا بيطلع على الاستيدج بيضحك في وش الناس ويرقص معاهم لان ده شغلي ومينفعش ادخل المشاكل الشخصية في شغلي.

حسن شاكوش: ربنا عالم بحالي ومفيش مطرب جه فرحي خد جنيه

وأضاف شاكوش: ربنا عالم بحالي ومفيش مطرب خد جنيه في فرحي وكله جه يجاملني لأننا أخوات وفي مجال واحد وكله جه بالحب، وأحمد عصام عامل معايا واجب وواخد فلوس رمزية في فرحي عشان يجاملني.

حسن شاكوش: كان بيتعملي أعمال بوقف الحال والشلل وأني أموت نفسي وانتحر 

كما كشف شاكوش أنه يتعرض للاذى من قبل العديد من الأشخاص ويتعرض لأعمال السحر وقال: عمري ما فكرت أذي حد وأنا اتأذيت كتير في حياتي لدرجة أن الأذى ده يموتني وفي ناس كانت بتعملي أعمال بوقف الحال والشلل وأني أموت نفسي وانتحر ومفيش حد حاسس بيا.

حسن شاكوش: مستكترين الفرحة عليا واللي هيعرفي في الحقيقة هيتصدم

وتابع حسن شاكوش: ياريت اللي بيحب الخير لغيره يفرحله حتى الفرح مستكترنها عليا رغم أني بيفرح للدنيا كلها، وأنا اللي هيعرفي على الحقيقة هيتصدم عشان أنا شخصيتي مختلفة.