أبو ليلة: حسن شاكوش عايز يلبس توب محمد رمضان ومش عارف وحمو بيكا على الله حكايته

هاجم مؤدي المهرجانات أبو ليلة مطرب المهرجانات حسن شاكوش، كما كشف عن رأيه في حمو بيكا، وتحدث أبو ليلة عن معاناته مع المرض.

تحيا مصر يرصد لكم تصريحات أبو ليلة

وقال مطرب المهرجانات أبو ليلة خلال لقائه في برنامج خط أحمر، والذي يعرض عبر شاشة قناة الحدث: حسن شاكوش بيعمل تريند على قفا غيره وهو فاكر نفسه وزير جمهورية التيك توك، وهو عايز يلبس توب محمد رمضان ومش عارف.

وعن تصريحات حسن شاكوش، بشأن إعداده قائمة سوداء للمتخلفين عن حضور فرحه، قال: “يعني مش هغني تاني؟.. ومش هتديني مصروفي؟”.

وأضاف: واحد دعيته على فرحي ومجاش، أروحله فرحه؟، لأ طبعا، وكمان كان عيد ميلاد ابني يومها كمان، وكنت بتصل عليه قبل فرحي بفترة، وكان مابيردش عليا، وكنت بعامله كأخ”.

وكشف أبو ليلة أبو ليلة: حمو بيكا على الله حكايته

كما تحدث أبو ليلة عن مطرب المهرجانات حمو بيكا ورأيه في حقيقة كواليس مقاطع الفيديو الذي ينشرها  بيكا مؤخرًا عما إذا كانت حقيقة أم مفتعلة منه، قائلًا: حمو بيكا على الله حكايته أي كلمة فيها سين وشين مع بعض ما بيعرفش يقولها.

وعن علاقته بمغني المهرجانات الشعبية حودة بندق، أوضح أبو ليلة: بعتبر حودة بندق ابني من وهو صغير وكنت بحميه ووالده وصاني عيله قبل وفاته بساعة، وشخصية نظيفة وبيقولي يا بابا، وكنت هتجنن لما عمل حادثة، ومخضوض عليه وتذكرت وقتها وصية والده لي عم بندق، وبعشق حاجة اسمها حاجة بندق.

أبو ليلة: عندي كهربا زيادة على المخ 

كما كشف أبو ليلة أنه يعاني من كهرباء زائدة على المخ وكشف: عندي كهربا زايدة في المخ وباخد دواء كل 12 ساعة، ومرضي نقطة سودة في حياتي ربنا بيخلص من اللي عليا في الدنيا.

وأضاف أبو ليلة: الحمد لله حققت حلمي ولسه مكمل في طريقي وقدرت أعمل حاجة، وأنا بدأت مشواري الفني وأنا عندي 7 سنوات، وأول فرح غنيت فيه كنت مع سعد الصغير وكنت بغني أغنية بحبك يا حمار في محطة الرمل بالإسكندرية.