عمرو أديب مدافعا عن حسين فهمي: كلنا بنلبس بوكسرات

رفض الإعلامي عمرو أديب، الهجوم على بعض الفنانين بسبب الإعلانات التي ظهروا فيها بشهر رمضان، قائلا: "الناس بتقسم الإعلانات، لشيك وإعلانات مش شيك، مهي كلها منتجات بتاعت ربنا، وفاتحة بيوت".

تحيا مصر

وأضاف أديب، خلال حلقة اليوم من برنامج "الحكاية" المذاع عبر فضائية "إم بي سي مصر 2"، :" الفنان حسين فهمي عمل إعلان بوكسرات هو فيها إيه، هو مين مش بيلبس بوكسرات، سيبوا الناس في حالها".

أديب: المنتجات بتاعت ربنا وفاتحة بيوت

وتابع "ايه اللي عمله حسين فهمي ليتعرض لكل هذا الهجوم؟، مضيفا: "بشويش على الناس، ده منتج ولازم حد يروج له".

وأكمل:" وماله كهربا لما طلع في الإعلان عايز يدفع الغرامة عنده سبب منطقي".

وفي سياق أخر علق الإعلامي عمرو أديب، على حالة الهجوم الذي يتعرض لها المشاركين في المزادات على لوحات المرور، قائلا: "خلوا الناس اللي عايزة أرقام مميزة هو حر، اللي معاه فلوس تحيره يجيب أرقام مميزة، وأما بنعمة ربك فحدث". 

وأضاف أديب، خلال حلقة اليوم من برنامج "الحكاية" المذاع عبر فضائية "إم بي سي مصر 2"، : "أنا مش مصدق إن في مزايدة على لوحة وصلت لنحو 50 مليون جنيه، خليهم يدفعوا، ويكعوا، وناخد الفلوس نعمل بيها مشروعات".

أديب: لوحة وصلت لنحو 50 مليون جنيه

وتابع:" فلوسه وهو حر وإنت مالك، وكأنه اتبرع بقرشين، هو أخد الرقم واتبسط وإحنا أخدنا الفلوس عملنا بيها حاجة، بلاش تقعدوا للبشر على واحدة".

وأكمل :"إجراء جيد لجمع أموال واستخدامها في مشروعات، معقبا: “في أمريكا بيعملوا اللوحات بالاسم".

أديب: ارفعوا أيديكم عن مربوحة

وفي وقت سابق، انتقد الإعلامي عمرو أديب،  الهجوم لأداء الممثلة رحمة أحمد في مسلسل "الكبير أوي 7"، قائلا: "الناس اللي بتهاجم مربوحة هو في حد يقتل حد كده".

وأضاف أديب، خلال برنامج "الحكاية" المذاع عبر فضائية "إم بي سي مصر ، بالقول"هو في إيه، إزاي كده، هى لحقت دي السنة اللي فاتت كانت أعظم حاجة".

تابع:" هناك لجان تتولى عملية الهجوم على صاحبة دور مربوحة، قائلا: "هى مربوحة كمان هيتعمل معاها كده".