مي عمر: فيه فنانة حطاني في دماغها.. وصعب أتوقع رد فعلي لو اتعرضت للخيانة

كشفت الفنانة مي عمر عن أنه هناك إحدى الفنانات تحاول الإيقاع بها، وذلك خلال حوارها اليوم ببرنامج حبر سري مع الإعلامية أسما إبراهيم.

تحيا مصر يرصد تفاصيل تصريحات مي عمر في حبر سري

حيث قالت مي: ممكن يكون فيه فنانة حطاني في دماغها وعايزة توقعني واتعودت مركزش في الحاجات دي وأهم حاجة أعمل شغل كويس والناس تنبسط بيه.

رأي مي عمر في الخيانة

وفي الحلقة ذاتها، كشفت مي عمر عن رأيها في الخيانة، وردة فعلها إذا تعرضت لها، فقالت: مبحبش الخيانة وصعب أتوقع رد فعلي لو اتعرضت ليها بس أي استمرار بعد خيانة كدب وملوش أي معني، والعلاقة بتبوظ.

كما أكدت الفنانة مي عمر على أنها تعرضت للظلم كثيرا بسبب ربط اتهامها دائما بأنها تعمل بسبب واسطة زوجها المخرج محمد سامي.

وقالت: أكتر حاجة بكرهها في حياتي الظلم وأنا اتظلمت كتير، بس بعد فترة الكلام مبقاش يفرق معايا.. اللي قدمني هو محمد سامي بس بعد أعمال كتير مينفعش حد يقول محمد اللي مشغلني.

تعليق مي عمر على فوزها في المسابقة

وفي وقت سابق، حصلت الفنانة مي عمر على المركز الثامن بمسابقة أجمل 100 وجه في العالم، كأول مصرية تصل للنهائيات وتتفوق على بعض النجمات العالمية، وعبرت عن سعادتها الشديد بهذا الحدث عبر حسابها الرسمي بموقع انستجرام.

وكتبت مي عمر عبر انستجرام: سعيدة جدًا بفوزي في مسابقة أجمل 100 وجه في العالم و حصولي علي المركز الثامن، وإني أكون أول مصريه تكسب وتوصل للنهائيات.

مي عمر في مسابقة أجمل 100 وجه في العالم

وتابعت: وكمان في العشرة الأوائل متقدمه علي نجوم عالميين زي جال جادوت بطلة ووندر وومان اللي حصلت علي المركز الـ ١٢، أكتر من حد من مصر إترشح للتصفيات قبل كده ولكن دي أول مره فنانه مصريه تكسب وتعدي التصفيات وتوصل للنهائيات.

وأختتمت: ودي حاجه مفرحاني عشان سببين، الأولي إني كسبت في مسابقه عالميه مهمه زي دي والحاجه التانيه إني اللي كسبت فنانه مصريه بتحب أي مكسب أو إنتصار يحققه أي مصري، مصر هي بلد المبدعين والعظماء.