حسن شاكوش: حمو بيكا تلقائي والناس بتلعب بدماغه

تحدث مطرب المهرجانات حسن شاكوش عن تصريحان حمو بيكا ضده، وعن وجود خلاف بينهما، وأوضح أنه لا يحب أن يتحدث على زملائه.

تحيا مصر يرصد لكم تصريحات حسن شاكوش

وقال حسن شاكوش خلال لقائه في برنامج العرافة والتي تقمه الإعلامية بسمة وهبة ويعرض عبر قناة المحور: حمو بيكا تلقائي ومعاهم معاهم عليهم عليهم غلبان وطيب والناس بتلعب بدماغه ومشاعره عشان هو طيب زيادة عن اللزوم وده وحش جدًا.

حسن شاكوش: حمو بيكا اتشهر قبلي

وأضاف: أنا بغني قبل حمو بيكا وهو اللي جالي عشان يعمل معايا أغاني عشان أنا بغني من 13 سنة وهو اتشهر قبلي بس لما عملت بنت الجيران الموضوع اختلف.

حسن شاكوش: واحدة بعتت لمراتي في الصباحية أني بخونها وهتجوز واحدة تاني

وفي اللقاء ذاته تحدث شاكوش عن زوجته وقال:  يوم الصباحية واحدة بعتت لمراتي  بتقولها انتي صعبانه عليا عشان حسن بيحب واحدة تانية وهيتجوزها ومفهم التانية أن الفرح ده كله فيلم وقررت اقفلها السوشيال ميديا بسبب كده.

حسن شاكوش عن سجود زوجته: متوقعتش أن هي تعمل كده وشيفاني عوض ليها

وعن سجود زوجته في حفل الزفاف قال: مراتي مش بتسجد ليا واللي عايز يسجد لأي حد يسجد وأنا متوقعتش من ريم أن هي تعمل كده وهي ممكن تكون في دعوة بينها وبين ربنا وشيفاني عوض ليها وإني الإنسان اللي هي بتتمناه، و حسيت بإحساس  حلو جدًا لما مراتت سجدت لربنا عشان اتجوزتني و ده مش عيب وبين اي راجل ومراته مفيش حاجه اسمها كرامة.

وتابع: مراتي ست متفاهمة وقريبة من ربنا ومش بتسيب فرض ومش بتاخد كل حاجة بعصبية وملهاش في الشو والإعلام وعارفة طبعي وهي بنت منطقتي.

حسن شاكوش: كل واحد ملهوش شغل بيعمل قناة وبيرفع شغله

كما تحدث شاكوش عن انتقاد الصحفيين له وقال: لما اتكلمت على الصحفيين مش بعمم وفي بعض الصحفيين جاب مايك وبيطلع يقول أنه صحفي وعاملين نفسهم صحفيين، وحرام تنزل خبر كاذب ومش صحيح والناس اللي عاملة نفسهم صحفيين وكل واحد ملهوش شغله او مشغله بيعمل قناة وبيرفع عليها شغله عشان المشاهدات.