حسن شاكوش: كل واحد ملهوش شغل بيعمل قناة وبيرفع شغله وعمري ما عملت حاجة حرام

تحدث مطرب المهرجانات عن هجومه للصحفيين خلال بث مباشر له عبر صفحته، كما رد على تصريحات المطربة شذى حسون.

تحيا مصر يرصد لكم تصريحات حسن شاكوش

وقال حسن شاكوش خلال لقائه في برنامج العرافة والتي تقدمه الإعلامية بسمة وهبة ويعرض عبر قناة المحور: لما اتكلمت على الصحفيين مش بعمم وفي بعض الصحفيين جاب مايك وبيطلع يقول أنه صحفي وعاملين نفسهم صحفيين.

حسن شاكوش: كل واحد ملهوش شغل بيعمل قناة وبيرفع شغله

وتابع: حرام تنزل خبر كاذب ومش صحيح والناس اللي عاملة نفسهم صحفيين وكل واحد ملهوش شغله او مشغله بيعمل قناة وبيرفع عليها شغله عشان المشاهدات.

حسن شاكوش: عمري ما عملت حاجة حرام

واستكمل: أنالما قولت خمور وحشيش في الأغنية قولت وأنا مش متوجه صح بس لما اتوجهت مبقتش بعمل إسفاف ومكنش تريند حرام، وأنا عمري ما عملت حاجة حرام، وبغني في أماكن فيها خمور عشان مقعدش في البيت

وعن وصف المطربة شذى له بـ “ المستفز” قال شاكوش: هي مين دي وبتغني ولا بتعمل إيه؟ وشكلها عامل ليه كده وهقول ربنا يتولاها.

تصريحات حسن شاكوش

وكشف شاكوش في اللقاء ذاته: أنا كلمت تامر حسني في التليفون في شغل وقولتله ده فرحي وأنا عايزك شغل شوف هتعمل معايا إيه وبعتلي قالي ألف مبروك والدنيا غليت ووفر فلوسك وجالي من غير مقابل بفرقته.

وعن هجومه ضد ممتنعي فرحه قال شاكوش: أنا بحب الناس دي وكنت بتمنى يكونوا موجودين ودي طريقة تعبير عن زعلي وممكن الناس تفهمني غلط وبهدد بس دي طريقتي وطريقة كلامي، و لو فرحي فيلم وشو هجيب أي واحدة من الشارع أو اي زميلة ليا وأعمل الفيلم ده من غير المصاريف دي كلها

وسبق وكشف مطرب المهرجانات حسن شاكوش عن سبب غياب مصطفى كامل نقيب المهن الموسيقين عن حفل زفافه وقال في لايف عبر حسابه بموقع تبادل الصور والفيديوهات انستجرام: مصطفى كامل مجاش الفرح عشان دراعه كان مكسور  وربنا يشفيه.

وكشف شاكوش: واحد من الإذاعيين عزمته على الفرح ومجاش وأما الفرح عمل تريند كلم مدير أعمالي أعمل معاه حلقة.