شريف منير: أطلقوا عليا لقب المحترم وأنا مش بالقسوة اللي تخليني أتجوز على مراتي وهي مريضة

تحدث شريف منير لأول مرة عن حقيقة زواجه على زوجته الأولى في فترة مرضها، نافيا كل ما تم تداوله بشأن تركها مريضة أو خدمة زوجته الثانية لها في مرضها.

تحيا مصر يرصد في ذلك التقرير تصريحات شريف منير في برنامج أنا والقناع

شريف منير عن زوجته: كان بصحتها وقت ما اتجوزت عليها وهي اللي رفضت الانفصال

قال شريف منير خلال حلوله ضيف على برنامج “أنا والقناع”، الذي تقدمه الإعلامية منى عبد الوهاب على شاشتي الحياة وسي بي سي: “مراتي الأولى لما كانت تعبانة مراتي الحالية راحت زارتها ربع ساعة، ومكنتش تعرفها ولا هما أصدقاء، ومخدمتش حد”.

وتابع نافيا زواجه في فترة مرض زوجته الأولى: “متجوزتش وزوجتي تعبانة كانت في عز عنفونها وصحتها وعيت بعد زواجي بكذا سنة أنا مش بالقسوة دي ولا بالشكل الوحش ده وكان فيه خلاف بينا وخيرتها بين الانفصال أو الجواز وقالت أنا مبنفصلش اتجوز وده حقك، وتعبت وبعدها رجعت تعافر تاني وكانت كويسة وبعد كدة رجعت تاني”.

شريف منير يتحدث عن خلافه مع شيرين عبد الوهاب

وتحدث شريف منير أيضا عن خلافه مع شيرين عبد الوهاب، فقال: “الموضوع خلص ومكنش تكليف نقط ماية، كان فيه رخام وطوب بيقع من فوق وكان فيه ولادي، وأما اعترضت كان رد الفعل زيادة شوية ومقدرتش استحمله وبتغاضى بحدود لكن لا أقبل الإهانة أو التنازل”.

شريف منير: بيسموني المحترم ومن حقي أقول رأي في الفن

وكشف شريف منير عدد من التفاصيل عن شخصيته، فقال: “محترم نفسي في شغلي وبقدم حاجات محترمة وأطلق عليا المحترم على السوشيال ميديا كلها وده لقب بحافظ عليه في اختيارتي وصحابي وتعاملاتي”.

وتابع: “الرقابة والشروط بتبقى جوة الإنسان نفسه أنا عندي حدود جوة نفسي مقدرش أتعداها وأنا فنان من حقي أقول لا على أي فن مش عجبني”.

وعن الانتقادات الذي يتعرض لها، قال شريف منير: “الناس عندها حب الهجوم والتعدي، وده نابع من كبت كان موجود في فترة فبتحولوا لشخصيات هجومية، ولو حد شتمني أو شتم بناتي مش بيفرق معايا خالص”.

شريف منير: أحمد عبد العزيز كان بيحاول يثبت وجوده فكان لازم أتكلم عن التتر

وتطرق بالحديث لموضع اسمه على تترات العمل، فقال: “موضوع الأسماء في حتة بتكلم فيها وحاجات مفيهاش كلام أما اشتغل مع كريم عبد العزيز مقدرش أقول حاجة، أحمد عبد العزيز كان بيحاول لسة يثبت وجوده لكن في اسماء معروفة محدش يقدر يتكلم فيها، وكريم عبد العزيز سعى إن اتحط معاه في نفس الكدر”.