محمد أنور: سامح حسين أستاذي.. واوافق بناتي تدخل الفن

حل الفنان محمد أنور ضيف برنامج حبر سري مع الإعلامية ياسمين عز، وذلك عبر شاشة قناة القاهرة والناس، وتحدث عن مدى موافقته بدخول بناته الفن وبعض المواضيع الأخرى. 

تحيا مصر يرصد لكم تصريحات محمد أنور

محمد أنور وسامح حسين 

تحدث أنور في البداية عن الفنان سامح حسين بالنسبة له، قائلًا: سامح حسين أستاذي وكان بيخرجلي في الجامعة وشوفنا نجاحه في عنينا
وكان بيخش الجامعة والناس كانت بتشيل العربية بتاعته، معملناش حاجة سوا ولو اتقدملنا احنا عنينا ده اخونا. 

محمد أنور ودخول بناته الفن 

أما عن دخول بناته الفن، قال: متكلمتش في ده خالص قبل كده، ووجهة نظري ان مينفعش تفرض على أي حد أي حاجة، والمهن اللي هما يختاروها عشان انا لما اتفرض عليا دراسة درستها عشان اهلي وبعدين مشيت في اللي انا بعمله. 

وأضاف: في فترة الجامعة كانت والدتي معترضة على فكرة دخولي التمثيل وبلاش ومدونيش مصروف. 

كما قال محمد أنور عن مقلب رامز: مش كل اللي اتصور ظهر، واللي حصل كان في جزء في الحلقة بقوله مش مصدق ان انا شايفك وقولتله انا ممكن ابوس رجلك، راح قالي المفروض تعمل كده مع والدتي، روحت قولتله انا بعمل كده كل يوم مع والدتي وده السبب في اني قاعد قدامك دلوقتي. 

وتابع: وندمت اني روحت المقلب، ومكنتش اعرف حاجة من تفاصيل المقلب.

محمد أنور: أنا اللي بأخر أدوار البطولة.. والسينما هي التاريخ

وخلال نفس الحلقة قال محمد أنور: بأخر ادوار البطولة والسينما هي التاريخ فـ عشان ادخلها نفسي ادخل من الباب الكبير اقدر من خلالها أكسب شعبية فيها، حابب اشتغل مع اكبر قدر من نجوم السينما.

تصريحات أخرى لـ محمد أنور

- المعروض والمتاح ممكن مش اللي بأمل اعمله بس في دماغي خطة معينة ان في وقت قريب ابقى ببين اكتر امكانياتي 
- انا اللي بأخر ادوار البطولة والسينما هي التاريخ فـ عشان ادخلها نفسي ادخل من الباب الكبير اقدر من خلالها أكسب شعبية فيها 
- حابب اشتغل مع اكبر قدر من نجوم السينما 
- اقدر احدد ايرادات بس مش لوحدي ودي ثقة في النفس 
- مفيش حد بيحقق تاريخ حد وممكن اي حد يحقق نفس نجاح نجوم الكوميديا وهما بقوا كده من استمرارية كتير 
- لسه كلنا في مرحلة استكشاف وشايف ان كله بيحاول يجتهد ويوصل يبقى نجوم الكوميديا زي عادل إمام ومحمد سعد