محمد أنور عن عدم التلامس بالتمثيل: خايف ولادي يشوفوا حاجة وحشة عملتها

تحدث الفنان محمد أنور عن سبب موقف دعم للفنان يوسف الشريف في رفع راية عدم التلامس بالأعمال الفنية، خلال لقائه ببرنامج حبر سري. 

تحيا مصر يرصد لكم تصريحات محمد أنور بحبر سري

محمد أنور وعدم التلامس في التمثيل 

وقال أنور: دعم موقف يوسف الشريف بتاع التلامس: لا مش ندمان عليها، وسواء انا مقتنع بكلامه ولا لا، ده رأيه ورأيه ده هو بينجح بيه. 

وتابع: ولو اتعرض عليها مشهد فيه تلامس هقول لا، والواحد بيخاف ان لما ولاده يكبروا يشوفوا حاجة وحشة باباهم عملها. 

كما قال محمد أنور عن مقلب رامز: مش كل اللي اتصور ظهر، واللي حصل كان في جزء في الحلقة بقوله مش مصدق ان انا شايفك وقولتله انا ممكن ابوس رجلك، راح قالي المفروض تعمل كده مع والدتي، روحت قولتله انا بعمل كده كل يوم مع والدتي وده السبب في اني قاعد قدامك دلوقتي. 

وأضاف: وندمت اني روحت المقلب، ومكنتش اعرف حاجة من تفاصيل المقلب.

محمد أنور: أنا اللي بأخر أدوار البطولة.. والسينما هي التاريخ

وخلال نفس الحلقة قال محمد أنور: بأخر ادوار البطولة والسينما هي التاريخ فـ عشان ادخلها نفسي ادخل من الباب الكبير اقدر من خلالها أكسب شعبية فيها، حابب اشتغل مع اكبر قدر من نجوم السينما.

تصريحات أخرى لـ محمد أنور

- المعروض والمتاح ممكن مش اللي بأمل اعمله بس في دماغي خطة معينة ان في وقت قريب ابقى ببين اكتر امكانياتي 
- انا اللي بأخر ادوار البطولة والسينما هي التاريخ فـ عشان ادخلها نفسي ادخل من الباب الكبير اقدر من خلالها أكسب شعبية فيها 
- حابب اشتغل مع اكبر قدر من نجوم السينما 
- اقدر احدد ايرادات بس مش لوحدي ودي ثقة في النفس 
- مفيش حد بيحقق تاريخ حد وممكن اي حد يحقق نفس نجاح نجوم الكوميديا وهما بقوا كده من استمرارية كتير 
- لسه كلنا في مرحلة استكشاف وشايف ان كله بيحاول يجتهد ويوصل يبقى نجوم الكوميديا زي عادل إمام ومحمد سعد